Jobo 17:5 - Baibo Busansulushi Bwa Libuku Ili

⁵ Na muntu waaba mubye ceebo cakuyanda maali, bana bakwe mbweshi bakapengeleemo akufwa nsoni.

Jobo 17:5 ပူးပေါင်းရင်းမြစ်များ

1 Baami 11:12

Nakubi boobo ceebo cakwe Defedi iso, teshi ncite boobo paciindi cino webo koociliiwo. Sombi ndaakucicita paciindi ico mwanaako aakunoolela.

Jobo 11:20

Sombi bamucita shibi balaakulemabo kulangoola lucafwo, teshi bakabeewo amusena wakulobokelaako. Nceshi bakanoolindilabo nkutula moyo.”

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Tushimpi 20:19

Mufuyishi taakoonshi kukalika makani abushishi, aboobo amutalamuke muntu shikubwekabweka.

Tushimpi 29:5

Uyo utondesha mubye lusuno lwakubeca ulaliteya koose mwiine.

Malilo 4:17

Meenso esu akalema kulangila lucafwo, sombi talukwe kuboneka. Kuswa kumaanda alaamfu twakalindila mushobo umwi wa bantu abo batakalinga kukonsha kutupulusha.

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Bene Lefi 19:16

Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.

Dutolonomi 28:65

Pakati ka mishobo iyo, teshi mukacanewo luumuno nabi musena unenu cancinencine. Mpeeke Mwaami Lesa ulaakumulengesha kulisukama, kubula lushomo alimwi akutyongola.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.