Jobo 17:4 - Baibo Busansulushi Bwa Libuku Ili

⁴ Aba bantu mwakabacala tulango twabo. Ono mutabasuminishi kwaamba ayi bankoome.

Jobo 17:4 ပူးပေါင်းရင်းမြစ်များ

2 Samwelo 15:31

Ono Defedi wakalwiitikwa ayi pabaabo batookonkela aAbusalomu, Ayitofelo alakwe mpwaali. Mpomunyaawo Defedi wakapaila ayi, “NoBaami baLesa amumunyaaye busongo bwakupanda maano kwaamba ayi anokwaambabo shifwite.”

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Jobo 12:20

Uloomusha beshikupanda maano abo bashomwa alimwi ulanyaya bamacembele busongo mbobacite.

Jobo 17:5

Na muntu waaba mubye ceebo cakuyanda maali, bana bakwe mbweshi bakapengeleemo akufwa nsoni.

Isaya 19:14

Mwaami Lesa wabatilila muuya wa cinshiingwa, batoolengesha bamucishi ca Ijipiti kutalantanta mushintu shoonse nshebatoocita, bweenka cakolwa mbwaatalantanta mumaluko akwe.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Bene Loma 11:8

Mbweeke bwaamba Malembo akwe Lesa ayi, “Lesa wakalengesha ayi babe beshicimpamya ono abobulya tababoni alimwi tabanyumfwi.”

1 Bene Kolinto 1:20

Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.