Jobo 16:4 - Baibo Busansulushi Bwa Libuku Ili

⁴ Nemwalinga ndime, nebo kaandi ndimwe, naakwiinga anebo ndalinga kwaamba shoonse nshemutokwaamba. Ncakwiila naakwiinga ntoopukumunabo mutwi pali ndimwe akwaamba maswi aanji akumushinina.

Jobo 16:4 ပူးပေါင်းရင်းမြစ်များ

2 Baami 19:21

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Jobo 11:2

“Sa kwaamba kwa bukaluyaluya takweelete kukumbulwa? Sa muntu ulaambwa ayi taacite mulandu kwiinda mukwaamba maswi aanji?

Jobo 16:5

Sombi naakwiinga ndamwaambila maswi akumuyumyayumya. Nendamwaambila maswi akonsha kumuumbulusha.

Jobo 35:16

Webo Jobo utokwaambabo shitacite ncito, utoolakookabo mukubula lushibo.”

Jobo 6:14

“Ciindi ca mapensho ambuli aya, kulayandika babyo bashomeka nakubi kwaamba ayi muntu uyo wacileka kuloonda Shinkusu shoonse.

Kulumbaisha 109:25

Ndaba shikusekwa kubaabo beshikumbekesha. Na bambonabo, balatalika kulipukumuna mitwi.

Kulumbaisha 22:7

Boonse bambona balancelebula, balancobola akunoopukumunabo mitwi yabo.

Kulumbaisha 22:8

Balaamba ayi, “Sa te ulicinkite manungo muMwaami Lesa, ono Mwaami Lesa aamupulushe tubone. Aamufuune na ncakwiila ulimusuni.”

Kulumbaisha 44:14

Mwatulengesha kuba ntantaala ya maleende ya mishobo imwi, bulya kulilabo utokwiinda ulapukumuna mutwi pali ndiswe.

Tushimpi 10:19

Apo paambwa maswi aanji tapabulilili kubisha, sombi uyo uumuna ngumusongo.

Shikushimikila 10:14

Muluya ulafusha maswi pakwaamba. Taaku muntu ushi shitoosa kunembo. Ngani weenga waamba ceshi cikacitike twaakufwa?

Isaya 37:22

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 48:27

Sa mwebo nobene Moabu teshi ndimwe mwakalinga kuseka bene Isilaeli? Sa bakacatwa pakati ka bapambi ico cimulengesha kunoopukumunabo mitwi mukubashibuluka kulilabo na mwaamba pali mbabo?

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Mateyo 7:12

“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

Bene Loma 12:15

Amusangalale abaabo basangalete alimwi mulile abaabo batoolila.

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.