Jobo 14:12 - Baibo Busansulushi Bwa Libuku Ili

¹² mbweeke ubo muntu alakwe mbwaaona cakutabuka. Ee, teshi akashinshimukeewo kushikila liculu likamaane. Ndushinisho uloonesha cakutaswaawo mutulo twakwe.

Jobo 14:12 ပူးပေါင်းရင်းမြစ်များ

Jobo 3:13

Nendakasansulwa, naakwiinga sunu nshintoopenga. Ncakwiila naakwiinga ndiletebo tontolo

Jobo 30:23

Ndeshiba kale ayi mutoontola kulufu. Ndushinisho mutoontola kuya bantu boonse.

Jobo 7:21

Ceebonshi tamukoonshi kulekelela shibiibi shangu? Sa inga tamulekeleli kulubisha kwangu? Onoonobo ndaakuya kucuumbwe mulaakunangoola, sombi teshi nkacanikeewo.”

Jobo 7:9

Bweenka mbuli likumbi mbolisunguluka akumana, mbweeke ubo alakwe uya mucuumbwe mbwaalobelabo limwi.

Kulumbaisha 102:26

Sombi shoonse ishi shilaakumana, sombi mwebo mulaakucaala. Shoonse shilaakusansooka anga nshakufwala. Mulaakushisowa anga nshakufwala shifwite, lyalo shilaakushimingana.

Kulumbaisha 90:5

Muntu mulamutola lubilo mbuli mukuuku. Ulekalabo ciindi ciniini anga nciloto. Buumi bwakwe buli anga mbwiisu bumena macuunsa.

Shikushimikila 11:8

Nakubi kwaamba ayi muntu waba amyaaka iinji buyani, ulyeelete kusangalala pamwaaka womwi awomwi ngweekala. Sombi ulyeelete kulabilila ayi nshiku shakunoofwite shilaakufula abuumbi. Shoonse ishi shitoosa taaku mboshibete.

Shikushimikila 12:5

Ulaakunooloonda kutanta tulundu tulaamfu nabi kuya ceenda mumikwakwa. Ulaakuba amfwi mumutwi kukucembela alimwi cilaakuba ciyumu kweenda kuli ndiwe. Teshi ukanoociteewo nkusu shakucita cili coonse. Muntu ulaakuya kumusena wakwe wamuyayaya alimwi kulaakuba kulila mumikwakwa.

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Isaya 65:17

Mwaami Lesa waamba ayi, “Ntoolenga liculu lipya acishi ca panshi cipya. Shintu shikulukulu shilaakulubwa alimwi teshi shikeebalukweewo napaceyi.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Danyelo 12:2

Bantu baanji baanji abo boona mubulongo bwa cishi ca panshi balaakubuka. Bamwi balaakubukila kuba abuumi butamaani, sombi bamwi balaakubukila kulenshekwa nsoni akuba cintu ceelete kushibulukwa kwalyoonse alyoonse.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Milimo ya Batumwi 3:21

Lakwe ulyeelete kunooli kwiculu kushikila ciindi shintu shoonse shikalengwe cipya, kweelana abwakaamba Lesa kalekale, kwiinda mubalaluki bakulukulu basalalite.

Bene Loma 8:20

Ceebo shilengwa shoonse shakababo anga tashicite ncito, kuteshi mukuyanda kwa nshisho, sombi kwiinda mukuyanda kwakwe Lesa. Nakubi boobo kwakalinga lushomo lwakwaamba ayi

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 21:1

Kuswawaawo ndakabona liculu lipya alimwi acishi ca panshi cipya mukwiinga liculu litaanshi alimwi acishi citaanshi shakamana, alwalo lweenge lwakashimingana.