Jobo 14:1 - Baibo Busansulushi Bwa Libuku Ili

¹ “Anu muntu ushalwa kumwanakashi taaku mbwaabete. Ulicitebo nshiku shiniini shiswite mapensho.

Jobo 14:1 ပူးပေါင်းရင်းမြစ်များ

Matalikilo 3:17

Lyalo wakaambila Adamu ayi, “Wakakutika mukaako akulya cisepo ca cisamu ncendakamukasha. Paceebo ceeci bulongo butooshinganishikwa. Aboobo mubuumi bwako boonse ulaakunoosebensa cankusu, kwaamba ayi bukukushile shakulya nshooelete.

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

2 Baami 4:19

Cakuteengashila wakatalika kulila kuli baishi ayi, “Ndafwa mutwi! Ndafwa mutwi!” Mpomunyaawo Baishi bakaambila musebenshi wabo ayi, “Amumutole kuli banyina.”

Jobo 10:20

Sa te bulya buumi bwangu bwaya kumateelo? Amundeeke nsangalaleewo muciindi ici ciniini cicaalite.

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 25:5

Ono na mweenshi kuli nguwe toobalishi, ashalo nyenyeenshi shilicite tumpenda pameenso akwe,

Jobo 5:7

Sombi muntu lakwe ulashalilwa mapensho bweenka mbuli mulilo mbootolooka kuya mwiculu.

Jobo 7:1

“Sa te buumi bwa muntu mbuyumu pacishi ca panshi? Sa te nshiku sha buumi bwakwe shili anga nsha musebenshi?

Jobo 7:6

“Nshiku shangu shileenda lubilo kwiinda cakupombeleshako busalu. Shileenda lubilo akweela cakubula kulangila bubotu.

Jobo 8:9

Swebo tulibo bacilo, aboobo taaku ncetwishi, nshiku shesu pacishi ca panshi shilibo anga ncimfule ciindilite.

Jobo 9:25

“Nshiku shangu sheenda lubilo kwiinda muntu shikucica, shafwambaana kweenda kwakubula acibotu ncendabonaawo.

Kulumbaisha 39:5

Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Kulumbaisha 89:47

Amwiibaluke buumi bwangu mbobubete kufwiimpa. Amwiibaluke swebo mbomwakatulenga ayi katufwa.

Shikushimikila 2:17

Kuswawaawo buumi ndakabupata ceebo milimo icitwa pacishi ca panshi yakandetelabo mapensho. Yoonse taaku mboibete, yakababo anga nkutandaanya muuwo.

Shikushimikila 2:23

Nshiku shakwe shoonse milimo ilaleta kulisukama amapensho. Ncakwiila nabi mashiku miyeeyo yakwe tayookeshiiwo, sobwe. Ici acalo taaku mbocibete.

Jelemiya 20:18

Ino ndakashalilwanshi? Sa ndakashalilwa kubona mapensho abuumba akweesha nshiku sha buumi bwangu munsoni?

Mateyo 11:11

Ntoomwaambila calushinisho ayi Joni ngumunene kwiinda pabantu boonse kuswabo kale kale. Sombi uyo muniini muBweene bwa kwiculu ngumunene kwiinda nguwe.