Jobo 13:14 - Baibo Busansulushi Bwa Libuku Ili

¹⁴ Ndilibambite kuliwaala mumeeno ankalamu, ncakwiila kubika buumi bwangu mumaansaangu.

Jobo 13:14 ပူးပေါင်းရင်းမြစ်များ

Jobo 18:4

Ono webo nootolityoloola kubukali bwako, sa cishi ca panshi cilyeelete kucaala matongo ceebo ca bukali bwako? Sa mwaandami ulyeelete kuswa pamusena wa nguwo?

Kulumbaisha 119:109

Nakubi kwaamba ayi buumi bwangu buleendela mumaansa lyoonse, nebo nshilubiiwo milawo yanu napaceyi.

Shikushimikila 4:5

Muluya ulalikumbata akunyonyoola buumi bwakwe kunsala.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 9:20

Kululyo balacana shakulya, sombi tabakuti. Kucipiko balacana shakulya, sombi balafwa nsala. Ono batoolya abana babo bakushala beene!

Boomboloshi 12:3

Ono ndindakabona ayi mwakaaka, ndakabika buumi mumaansaangu akusubuka mukulwana abene Amoni. Mwaami Lesa wakancafwa aboobo ndakabakoma. Ono ceebonshi mwesa sunu ayi mundwaane?”

1 Samwelo 19:5

Mubone ndyaakacaya mwine Filisiti ulya, pakalinga alufu lwaakwe mwiine. Ono Mwaami Lesa wakalengesha bene Isilaeli kukoma munshila ikankamika. Mwebo nobeene ndimwakabona kukoma uko mwakasangalala abuumbi. Ono nceebonshi mutooyanda kubisha kwiinda mukucaya Defedi utacite mulandu?”

1 Samwelo 28:21

Mwanakashi uyo ndyaakesa pakalinga Saulo akubona ayi waloonda abuumbi, wakamwaambila ayi, “Amubone nebo nemusebenshi wanu ndamunyumfwila. Ndanyamuna buumi bwangu mumaansa akucita kweelana ambomwaamba.