Jobo 11:7 - Baibo Busansulushi Bwa Libuku Ili

⁷ “Sa inga wakonsha kwishiba shabushishi shakwe Lesa? Sa inga ulakonsha kwishiba peela busongo bwakwe Lesa Shinkusu shoonse?

Jobo 11:7 ပူးပေါင်းရင်းမြစ်များ

Jobo 22:12

“Sa Lesa taabete mwiculu lya maculu akulanga panyenyeenshi isho shili mwiculu mwiine?

Jobo 26:14

Sombi iyi njimilimo yakwe ya peculubo. Muli njiyo, swebo tulanyumfwabo kutepeta kwakwe. Anu ngani weenga weshiba mankalunkalu atondesha nkusu shakwe?”

Jobo 27:11

“Ndaakumwiisha nkusu shakwe Lesa mboshibete. Teshi nkamushiseewo nshila sha Shinkusu shoonse.

Jobo 33:12

“Ono webo Jobo ntookwaambila ayi mumakani aya ulilubite ceebo Lesa ngumunene kwiinda muntu uli woonse.

Jobo 33:13

Ceebonshi utootongookila Lesa mukumutongookila ayi taatookukumbula?

Jobo 35:5

Amulange mwiculu, mubone. Amubone pabetele makumbi kulaampa.

Jobo 36:26

Tatukoonshi kunyumfwisha nkusu shiinji shakwe Lesa. Ayalo myaaka yakwe tatukoonshi kwiibelenga napaceyuubo.

Jobo 37:23

Ceebo ca nkusu shakwe shiinji swebo tulaalilwa kumusena pafwaafwi. Sombi lakwe uliluleme alimwi uloombolosha bantu cakutanyengelela.

Jobo 37:5

Ndushinisho Lesa ulaluluma aliswi liyoosha akucita shintu shinene abuumbi isho nshetwaalilwa kunyumfwisha.

Jobo 42:3

Mwanjipusha citoompamya kutongooka busongo bwanu bulya nebo mboontacite lushibo napaceyuubo. Ndushinisho ndakalinga kwaambabo shintu nshendatalinga kunyumfwisha, ee, kwaamba shintu shikankamanisha isho nsheentakoonshi kwishiba.

Jobo 5:9

Lesa ulacita shaankamiko nshetutakoonshi kwishiba, ee, shitondesho sha nkusu sha kwiculu shiinji shitabelengwa.

Kulumbaisha 139:6

Lushibo lwanu pali ndime lwanyinda ciimo. Ncakwiila nshikoonshi kunyumfwisha lushibo lwa mushobo uyo.

Kulumbaisha 145:3

Mwaami Lesa ulicindeme abuumbi, aboobo ulyeelete kulemekwa camaansa obilo. Ndushinisho taaku ukonsha kwishiba bulemu bwakwe nkobweela.

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Tushimpi 30:4

Ngani wakayaawo kale kwiculu alimwi waseluka? Ngani wakacatawo kale muuwo mumapakaakwe? Ngani wakafungilishawo kale maanshi mucakufwala cakwe capeculu? Ngani wakapima mweelete kweela cishi? Ngani ushi liina lyakwe aliina lya mwanaakwe? Amundwiite na mulicite lushibo!

Shikushimikila 3:11

Wakalengesha shintu shoonse kubota mushiindi sha nshisho. Ono wakatupa miyeeyo yakusuna kwishiba shakunembo, sombi taatupi lushibo lukwene pashintu nshaakacita asheesho nsheshi akacite.

Shikushimikila 7:24

Busongo nabi buli buyani, nciyumu abuumbi kwaamba ayi tubunyuumfwe. Ino ngani ukonsha kubucana?

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

1 Bene Kolinto 2:10

Sombi Lesa wakatuyubulwita sheeshi kwiinda muMushimu Usalashi. Ceebo Mushimu Usalashi ngooshi shintu shoonse nabi miyeeyo yakwe Lesa ya bushishi.

1 Bene Kolinto 2:16

Bweenka bwaamba Malembo akwe Lesa ayi, “Ngani ushi miyeeyo ya Mwaami Lesa alimwi ngani weenga wamulwiita shakucita?” Ono swebo tulicite miyeeyo yakwe Klistu.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.