Jobo 11:19 - Baibo Busansulushi Bwa Libuku Ili

¹⁹ Taaku mulwani weshi akanookukonga, alimwi baanji balaakunoosenga ayi ubacaafwe.

Jobo 11:19 ပူးပေါင်းရင်းမြစ်များ

2 Makani 20:30

Mpeeke Jeoshafati wakalela muluumuno alimwi Lesa wakamupa luumuno kumbasu shoonse.

Jobo 11:18

Ulaakunookala cakutalisukama alimwi cakulangila shibotu. Lesa ulaakunookulama akukupa luumuno mumoyo ayi wookeshe.

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.

Kulumbaisha 4:8

Ndyeengona ndaba muluumuno, mukwiinga mwebo noBaami baLesa, ndimwe mumfukete.

Kulumbaisha 45:12

Bantu ba kuTaya balaakukuletela shipo, abalo babile balanoolibotelesha kuli ndiwe ayi utabapaati.

Tushimpi 19:6

Bantu baanji balisuni wooyo ubanyumfwila nkumbu, ncakwiila boonse balisuni wooyo ubapa shipo.

Tushimpi 3:24

Ulaakunooya mukoona kwakubula cakuloonda, ee, ulaakunoolyonenabo cakusutulako amutwi.

Isaya 17:2

Mandabala anene a Silya alaakucaala matongo kwamuyayaya. Ncakwiila alaakubabo mafulo a mbelele aŋombe umo mweshi shikanoolita kwakubula ushitandaamo.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Esekelo 34:28

Teshi bakasaalweewo tubili kumishobo imwi nabi na kulikwa kubanyama ba muluundu. Balaakwikala kwakubula cakulisukama alimwi taaku muntu weshi akabaloondesheewo.

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.