Jobo 10:9 - Baibo Busansulushi Bwa Libuku Ili

⁹ Amuyeeye kwaamba ayi mwakamumba abulongo. Sa mulisuni kumpilushisha kulusuko alimwi?

Jobo 10:9 ပူးပေါင်းရင်းမြစ်များ

Matalikilo 2:7

Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Jobo 10:10

Sa teshi ndimwe mwakapa bata nkusu ayi banshaale? Sa te ndimwe mwakalengesha ayi nkomene mulifumo lya bama?

Jobo 17:14

Ndaakutumba cuumbwe ayi bata akutumba mapila eshi akanoondya ayi bama nabi ayi nankashi.

Jobo 33:6

Webo anebo tulyeelenebo pameenso akwe Lesa. Soonse sobilo twakabumbwabo kuswa kubulongo.

Jobo 34:15

ncakwiila bantu inga bafwa alimwi akuboolela kubulongo boonse.

Jobo 4:19

Ino inga ceela kuli kubantu bakaswa kubulongo, abo bakaswabo kulusuko bashanyonwabo anga nkabambala?

Jobo 7:21

Ceebonshi tamukoonshi kulekelela shibiibi shangu? Sa inga tamulekeleli kulubisha kwangu? Onoonobo ndaakuya kucuumbwe mulaakunangoola, sombi teshi nkacanikeewo.”

Jobo 7:7

NobaLesa, amwiibaluke kwaamba ayi buumi bwangu bulibo anga nkuyoya kwa linkanda lyomwi. Nshiku shangu shakusangalala shamana kale.

Kulumbaisha 103:14

Ceebo ulishi mbwaakatulenga, ulishi ayi twakaswa kubulongo.

Kulumbaisha 104:29

Na mwashifutatila shilaloonda abuumbi, Na mwashinyaya muuya wanu shilafwa, shilaboolela kubulongo uko nkoshakaswa.

Kulumbaisha 106:4

Amunjibaluke noBaami baLesa, ciindi ndyemufwita nkumbu bantu banu. Amumfunine kumwi ndyemubapulusha

Kulumbaisha 22:15

Mukanwa mwangu mwayuma nta anga ncikula, awalo mulaka wangu wacatilila kwiculu. Mwebo mwandekelesha ayi ndifwiite mulusuko.

Kulumbaisha 25:18

Amubone mapensho angu oonse akuungumana kwangu, lyalo mundekelele shibiibi shangu shoonse.

Kulumbaisha 78:39

Lakwe Lesa wakayeeya ayi mbantubo abo, balibo anga nkapupuulwa ako katabooleli.

Kulumbaisha 89:47

Amwiibaluke buumi bwangu mbobubete kufwiimpa. Amwiibaluke swebo mbomwakatulenga ayi katufwa.

Kulumbaisha 90:3

Mwebo mulaboosha muntu mbwaakalinga, kumuboosha kubulongo nkwaakaswa.

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Jelemiya 18:6

“Mwebo nobene Isilaeli, sa inga nshimuciiti bweenka mbwaacita mubumbi uyu? Bweenka mbuli bulongo mumaansa a mubumbi amwebo mbomubete kuli ndime.

Bene Loma 9:21

Sa shikubumba mwiine taacite nkusu shakubumbamo nongo shobilo mubulongo mbwaacite, imwi ya makwebo anene alimwi aya makwebo aniini?

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.