Jobo 1:10 - Baibo Busansulushi Bwa Libuku Ili

¹⁰ Sa te nceebo cakwaamba ayi mulamutabilila pantu pomwi abamuŋanda yakwe alimwi ashintu shakwe shoonse? Shoonse shintu lakwe nshaacita shilaswitilila alimwi matanga a shifubwa shakwe alibo luundu loonse.

Jobo 1:10 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 26:12

Isaki wakalima mucishi ico alimwi mwaaka uyo wakatebula shili mwaanda kwiinda pasheesho nshaakashanga, mukwiinga Mwaami Lesa wakamupa coolwe.

Matalikilo 30:30

Isho shiniini nshemwakalinga kucite kataanshi shafula abuumbi, alimwi Mwaami Lesa wamupa coolwe kuli koonse nkondakalinga kubete ceebo ca ndime. Ono bulya ndyeelete mbone shaangu anebo.”

Matalikilo 30:43

Munshila iyi Jakobo wakabila abuumbi. Wakaba ambelele ampongo shiinji, basha baanji basankwa abanakashi, ngamela alimwi ambongolo shiinji.

Matalikilo 39:5

Kuswawaawo, ceebo cakwe Josefu, Mwaami Lesa wakapa coolwe bamuŋanda ya mwine Ijipiti uyo, ashintu nshaakalinga kucite muŋanda yakwe shoonse alimwi amumyuunda.

Matalikilo 49:25

NguLesa wa baiso ukucafwa, Lesa Shinkusu shoonse ukupa shoolwe, shoolwe sha mfula kuswa kwiculu, alimwi asha maanshi aanji eshi kuswa panshi. Ulakupa shoolwe shakuba aŋombe shiinji alimwi abaana baanji,

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Jobo 29:2

“Ndayeeya myeenshi ilya yakeenda kale. Ndayeeya nshiku shilya Lesa nshaakalinga kundama.

Jobo 29:6

Ŋombe ampongo shangu shakalinga kukamika abuumbi. Shisamu shangu sha maolifi shakalinga kukomena kabotu mubulongo bwa mabwe.

Jobo 31:25

Nshikwe kusangalalilawo mububile buunji, ee, mububile ubo mbondakacana amaansaangu.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

Kulumbaisha 5:12

Ncakwiila noBaami baLesa ndimwe mupa coolwe kubaluleme. Lusuno lwanu ulo luli anga ndiyawo lulabacingilisha.

Kulumbaisha 71:21

Mulaakufusha bulemu bwangu, akunkalika moyo alimwi.

Kulumbaisha 80:12

Ino nceeboonshi ncemwamwaila malinga abo akulengesha buboni bwabo kubula mwiine?

Kulumbaisha 90:17

Nobaami baLesa, baLesa besu nkumbu shanu shibe aswebo. Amutulengeshe kuswitilila mushintu shoonse nshetucita.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Isaya 5:2

Wakaulima akukushaamo mabwe oonse. Lyalo wakashangaamo minyansa iindaawo kubota. Mumuunda uyo wakayakaamo katungu akukabaamo cilindi cakutyaninaamo minyansa. Wakalinga kushomete ayi mulaakuswa shisepo shibotu, sombi mwakaswa minyansa iyo yakalinga kusakamwita.

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Dutolonomi 33:11

NoBaami baLesa, amucafwe mukowa wabo kusumpuka, akukondwa mushintu shoonse nsheshi banoocita. Amunyonyoole balwani babo kushikila boonse bakaloobe.”

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

1 Samwelo 25:16

Mashiku amalumwi bakalinga kutulama kwaciindi coonse ncitwakalingaabo katweembela mbelele.