Jemusi 5:4 - Baibo Busansulushi Bwa Libuku Ili

⁴ Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Jemusi 5:4 ပူးပေါင်းရင်းမြစ်များ

Matalikilo 4:10

Mpeeke Mwaami Lesa wakamwaambila ayi, “Ino wacitilanshi cintu ciyoosha mbuli ceeci? Nyumfwa! Bulowa bwa mukwanu butoolila kuli ndime kuswa mubulongo ayi mbooshe cishole.

Jobo 34:28

Bakalengesha bakandu kulilila Lesa alakwe wakanyumfwa kulila lucafwo kwabo.

Jobo 7:2

Shilibo anga nsha musha utoolilila cimfule. Ncakwiila shili anga nsha musebenshi utoolindilila kufola.

Kulumbaisha 9:12

Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.

Kulonga 22:27

mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.

Kulonga 3:9

Ncakwiila kulila kwa bantu bangu ndakunyumfwa, alimwi ndaboona abene Ijipiti mbobatoobapensha.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Isaya 5:9

Mwaami Lesa Shinkusu shoonse ndamunyumfwa kaalumbila ayi, “Ndashinisha maanda anene oonse aya alaakuba mumatongo. Ncakwiila naakomeni, naaboti alaakucaalabo kwakubula aukalaamo.

Jelemiya 22:13

Mapensho kuli wooyo uyaka ŋanda yakwe ya bwaami kwiinda mukutalulama. Mapensho kuli wooyo uyaka shipinda sha peculu kwiinda mukoombolosha cakunyengelela ee, kuli wooyo usebenseshabo bantunyina kwakubula kubafolesha.

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Abakuku 2:11

Mabwe a kulubumbu alaakunoolila ayalo mitanti ilaakunoobooshawo kulila kwanu.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 9:37

Mpeeke wakaambila bashikwiiya bakwe ayi, “Shakutebula shafula, sombi beshikutebula baceya.

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Bene Loma 9:29

Ici cilibo bweenka bwakaamba Isaya kale kale ayi, “Mwaami Lesa shinkusu shoonse naatakwe kutushiila bantu bamwi bamumushobo wesu, naakwiinga twakaloba anga nindabala ya Sodoma alimwi aGomola.”

Dutolonomi 15:9

Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.

Bene Kolose 4:1

Nomucite basha, amucite shiluleme asheelete kubasha banu, mukwiinga mulishi kwaamba ayi amwebo mulicite Mwaami kwiculu.