Jemusi 5:11 - Baibo Busansulushi Bwa Libuku Ili

¹¹ Tulaamba ayi balicite coolwe ceebo tabakwe kuboola pesule mulushomo. Mwakanyumfwa shakutaboola pesule kwakwe Jobo asheesho Mwaami Lesa nshaakamucitila kumeelelesho ceebo Mwaami uyo ngushinkumbu shiinji abuumbi.

Jemusi 5:11 ပူးပေါင်းရင်းမြစ်များ

1 Makani 21:13

Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

2 Makani 30:9

Na muboole kuMwaami Lesa, abo bakatola bamakwabanu busha balaakubanyumfwila nkumbu akubaleka ayi baboolele kumishaabo. Mwaami Lesa ngushinkumbu alimwi ulicite luse. Na muboole kuli nguwe, ncakwiila utoomutambula.”

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

Jobo 1:1

Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

Jobo 1:2

Wakalinga kucite baana basankwa bosanwe abobilo abaana banakashi botatwe.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 103:8

Mwaami Lesa ngushinkumbu alimwi ngushiluse. Lakwe taakalali bwaangu alimwi lusuno lwakwe talumaani.

Kulumbaisha 116:5

Mwaami Lesa ngushiluse alimwi uliluleme, Ncakwiila Lesa wesu ulicite nkumbu shiinji.

Kulumbaisha 119:132

Amucebuke akunyumfwila nkumbu, kweelana ambomunyumfwila nkumbu abo bamusuni.

Kulumbaisha 145:8

Mwaami Lesa ngushiluse alimwi ngushinkumbu. Taafwambaani kukalala alimwi ulicite lusuno lutamaani.

Kulumbaisha 37:37

Amuyeeye muntu utacite kampenda, ululeme. Muntu shiluumuno ulaakuba abamulunyungu bakwe.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Kulumbaisha 94:12

NoBaami baLesa ulicite coolwe uyo ngomupa milasho, ncakwiila uyo ngomwiisha milawo yanu yoonse.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Shikushimikila 7:8

Kumana kwa cintu cili coonse nkubotu kwiinda matalikilo a ncico. Kukomenya moyo nkubotu kwiinda kulisumpula.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Mateyo 10:22

Bantu boonse balaakumupata ceebo ca ndime. Sombi uyo eshi akayuminine kushikila kumamanino a mapensho aya, ulaakupulushikwa.

Luka 1:50

Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.

Luka 11:10

Ceebo uyo woonse usenga ulapekwa, awooyo ulangoola ulacana, alakwe ukonkoonsha ulacalwitwa.

Luka 6:36

Amube ankuumbu bweenka mbuli Ishiwanu wa kwiculu.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Efeso 2:4

Sombi Lesa wakatusuna abuumbi ceebo ca nkumbu shakwe shiteelekwi.

Bene Ebulu 10:39

Swebo tatubete bantu beshikuboola kwisule akunyonyoolwa. Sombi tuli baabo bashoma beshi bakapulushikwe.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Jemusi 1:2

Nobamakwesu, kamusangalala abuumbi na mwashikilwa mapensho apusenepusene,

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 3:14

Sombi nabi mukapenshekwe ceebo ca bululami, kuli ndimwe ncoolwe. Mutaloondi bantu nabi kulisukama.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,