Jemusi 5:10 - Baibo Busansulushi Bwa Libuku Ili

¹⁰ Amuyeeye balaluki bakulukulu abo bakalinga kushimikila muliina lya Mwaami Lesa. Amubone mbobakakomenya myoyo akutolelela kushoma mushiindi shamapensho abo. Amube bweenka mbobakalinga.

Jemusi 5:10 ပူးပေါင်းရင်းမြစ်များ

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Isaya 39:8

Mwaami Esekiya lakwe wakanyumfwa ayi kulaakuba luumuno paciindi ca bwikaalo bwakwe. Aboobo wakakumbula ayi, “Maswi a Mwaami Lesa ngowandwiita ngabotu.”

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Jelemiya 26:16

Mpomunyaawo bacinenenene abantu boonse bakaambila bapailishi abalaluki ayi, “Muntu uyu taaelete kucaikwa mukwiinga watwaambila muliina lya Mwaami Lesa, Lesa wesu.”

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Luka 6:23

Mukakoondwe caakucitika ici akusotooka cakusangalala ceebo cilambu canu ncinene kwiculu. Mukwiinga abalo bakulukulu mbobakacita kubalaluki.

Milimo ya Batumwi 3:21

Lakwe ulyeelete kunooli kwiculu kushikila ciindi shintu shoonse shikalengwe cipya, kweelana abwakaamba Lesa kalekale, kwiinda mubalaluki bakulukulu basalalite.

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.

Jemusi 5:13

Na umwi pakati kanu uli mumapensho, aapaile kuli Lesa. Na kuli usangalete aimbe nyimbo shakulumbaisha.

Jemusi 5:7

Ono mwebo nobamakwesu, amube beshimoyonteeka kushikila Mwaami wesu akese. Amubone mulimi mbwaakomenya moyo kulindila shishango mumyuunda yakwe ayi shicate. Ulalindila mfula itaanshi ayakweelaako camoyonteeka.

Jemusi 5:9

Nobamakwesu, mutanootongookana kwaamba ayi Lesa atakamoomboloshi. Moomboloshi ulibo pafwaafwi kuboneka.