Jemusi 5:1 - Baibo Busansulushi Bwa Libuku Ili

¹ Amukutike ono nobabile, amulile buumpute amibila ceebo ca mapensho atoosa pali ndimwe.

Jemusi 5:1 ပူးပေါင်းရင်းမြစ်များ

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

Tushimpi 11:28

Uyo woonse ucinka manungo mububile bwakwe ulawa, sombi baluleme balaswitilila anga nkusonsa kwa matewu acilimo.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 15:3

Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Esekelo 19:2

“Nyinawanu wakalinga anga ninkalamu ishashi icite mpuwo pakati ka nkalamunyina. Wakalinga koona pantu pomwi ankalamu shisankwa akulela bana bakwe.

Esekelo 30:2

“Webo omuntu, laluka ubalwiite kwaamba ayi nebo neMwaami Lesa Shinkusu shoonse ndaamba ayi oolobeshe maswi akwaamba ayi, ‘Maawe pabushiku ubo!

Jowelo 1:11

Mwebo nobalimi amuungumane. Ee, amuungumane mwebo nomulima minyansa. Amuungumane ceebo witi alimwi abale, ee, ceebo shishango shoonse shanyonyoolwa mumyuunda.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:5

Amubuke mulile mwebo nobacakolwa! Amulile mwebo nobeshikunwa waini mukwiinga minyansa yakupangisha waini upya, yanyonyoolwa cakumaninina.

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.

Jemusi 2:6

Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?

Jemusi 4:13

Amunyumfwe mwebo nomwaamba ayi, “Sunu nabi ciilo tulaakuya kundabala inene imwi tukekaleeko mwaaka katusambasha makwebo esu akucana mpindu inene.”

Jemusi 4:9

Amuungumane, mulile buumpute amibila, kuseka kwanu mukwaalule kulila akwalo kusangalala kwanu mukwaalule buumba!