Jemusi 4:7 - Baibo Busansulushi Bwa Libuku Ili

⁷ Ono aboobo amulibombye kuli Lesa. Amupikishe Mubiibi, lyalo ulaakumutalamuka.

Jemusi 4:7 ပူးပေါင်းရင်းမြစ်များ

2 Samwelo 15:26

Sombi na akaambe ayi, ‘Nshikondetwe pali nguwe,’ nebo ndilibambite kwaamba ayi akanciite cili coonse ncaasuni.”

2 Makani 30:8

Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 68:30

Amukalalile Ijipiti, ulya munyama wamuluundu ukala mumatete. Amukalalile mishobo ili anga nditanga lya bacende aboombe. Babombye kushikila bakakuletele shipo sha silifa. Amupalanganye boonse bamusembela kulwana.

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Milimo ya Batumwi 26:19

“Aboobo, nobaami baAgilipa, nshikwe kukaka kunyumfwila ceeco ncendakabona anga muciloto cakaswa kwiculu.

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Bene Loma 14:11

Mukwiinga Malembo alaamba ayi, “Mwaami Lesa wakaamba ayi, ‘Nebo ntoolumbila ayi, muntu woonse ulaakufukama kunembo lyangu akwaamba patuba ayi ndime Lesa.’ ”

Bene Efeso 4:27

Mutapi Satana ciindi cakumusunka.

Bene Efeso 5:21

Ceebo mulalemeka Klistu, mulyeelete kunyumfwana.

Bene Efeso 6:13

Paceebo ceeco amufwale shakulwanisha isho Lesa nshaamupa, kwaamba ayi mukacikoonshe kulwana cakutaboola pesule pabushiku bwa kushikilwa bubi. Mwaakumanisha kulwana, mulaakushimpa.

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

1 Pita 2:13

Ceebo ca Mwaami Lesa, amulibombye kubeendeleshi boonse ba mucishi ca panshi nabi kumuleli munene wa kuLoma, mweendeleshi wiindaawo,

1 Pita 5:6

Aboobo amuliceeshe pameenso akwe Lesa shinkusu kwaamba ayi akamusumpule paciindi ceelete.

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”