Jemusi 4:3 - Baibo Busansulushi Bwa Libuku Ili

³ Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.

Jemusi 4:3 ပူးပေါင်းရင်းမြစ်များ

1 Baami 3:11

Lyalo wakamwaambila ayi, “Mukwiinga wasenga busongo akulela cabululami, kuleka kwikala buumi bulaamfu nabi bubile nabi kufwa kwa balwani bako,

Jobo 35:12

Balalilila Lesa ayi abacaafwe, sombi lakwe taabakumbuli ceebo cakulisumpula kwa bamucita shibi.

Kulumbaisha 18:41

Bakalinga kuyandoola lucafwo, sombi taaku wakabapulusha. Bakapaila kuMwaami Lesa, sombi taakwe kubakumbula.

Tushimpi 1:28

“Mwaakunjita ciindi ico teshi nkamukumbulewo. Mulaakunyandoola, sombi teshi mukambonewo.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Jelemiya 11:11

Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 11:14

“Ono Jelemiya utapaililiiko bantu aba. Utabasengeliiko nabi kubakombelelako ayi mbafwite nkumbu ceebo paciindi baakuba mumapensho teshi nkabanyumfwewo baakunjita.”

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Mika 3:4

Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

Mateyo 20:22

Sombi Jesu wakabaambila ayi, “Tamwishi ncemutoosenga. Sa inga mwanwita munkomeshi ya mapensho njeshi nkanwiteemo?” Abalo bakakumbula ayi, “Ee, inga twacikonsha.”

Maako 10:38

Sombi Jesu wakabaambila ayi, “Tamucishi ncemutoosenga. Sa inga mwanwita munkomeshi ya mapensho njeshi nkanwiteemo? Sa inga mwabombekwa bweenka mbweshi nkabombekwe nebo?”

Luka 11:10

Ceebo uyo woonse usenga ulapekwa, awooyo ulangoola ulacana, alakwe ukonkoonsha ulacalwitwa.

Luka 15:13

Kapatana kwiinda nshiku shiinji, mwanikebantu uyo wakoolisha buboni bwakwe akunyamuka lweendo kuya kucishi ca kulaale. Uko nkwaakaya, wakanyonyoola buboni bwakwe boonse mubwikaalo bubiibi.

Luka 15:30

Sombi mwanaanu uyu wakanyonyoola buboni bwanu mubanakashi bafuule, ndyaaboola kuŋanda, mwamucaila ŋombe iinite!’

Jemusi 4:1

Anu cilengesha kulwana akwaambana pakati kanu nciinshi? Sa te njimiyeeyo yakuyandishisha kulikondelesha iyo ilwana muli ndimwe?

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.

1 Joni 5:14

Tulashoma cancinencine muli Lesa mukwiinga tulishinishite kwaamba ayi ulanyumfwa na twamusenga cintu cili coonse kweelana akuyanda kwakwe.