Jemusi 3:9 - Baibo Busansulushi Bwa Libuku Ili

⁹ Mulaka usebenseshekwa kulumbaisha Lesa, ngowomwi weenka ngotushinganishishaako bantu abo bakalengwa mucikoshanyo cakwe Lesa.

Jemusi 3:9 ပူးပေါင်းရင်းမြစ်များ

Matalikilo 5:1

Ulu ndolunyungu lwakwe Adamu. Lesa ndyaakalenga Adamu, wakamulenga mucikoshanyo cakwe.

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

2 Samwelo 16:5

Ono Defedi ndyaakashika kuBayulimu shikamukowa wakwe Saulo wakesa mukumukumanya. Liina lyakwe wakalinga nguShimeyi mwanaakwe Gela. Wakalinga kwisa cicobola.

2 Samwelo 19:21

Mpomunyaawo Abishayi mwanaakwe Seluiya wakaponsomoka ayi, “Shimeyi ulyeelete kucaikwa! Wakacobola mwaami uyo Mwaami Lesa ngwaakasala.”

1 Makani 29:10

Mpomunyaawo mwaami Defedi wakalumbaisha Mwaami Lesa kunembo lya bantu boonse ayi, “NoBaami baLesa, baLesa ba mushali wesu mukulukulu Jakobo, amulumbaishikwe kwalyoonse alyoonse!

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

Kulumbaisha 10:7

Mumilomo yabo muliswitebo mashingo, bubeshi alimwi akukonga. Ee, kupilinganya abubi shilaswa mumilomo yabo.

Kulumbaisha 108:1

Ono moyo wangu ulicite lushomo nobaLesa. Ncakwiila nshintootenkaana napaceyi. Ndaakunoomwiimbila akumulumbaisha.

Kulumbaisha 145:1

Ndaakumulumbaisha nobaLesa, noBaami bangu, akulemeka liina lyanu lyoonse alyoonse.

Kulumbaisha 145:21

Mulomo wangu ulaakulumbaisha Mwaami Lesa. Shilengwa shakwe shoonse ashilumbaishe liina lyakwe lisalalite kwalyoonse alyoonse.

Kulumbaisha 16:9

Paceebo ceeci moyo wangu wakondwa abuumbi, alimwi ndisangalete abuumbi bulya ndintokwaamba. Awalo mubili wangu wa buntu ulaakookesha muluumuno,

Kulumbaisha 30:12

Aboobo teshi nkoomune, sombi ndaakunoomwiimbila lyoonse. NoBaami baLesa, baLesa bangu, ndaakunoomulumba kwalyoonse alyoonse.

Kulumbaisha 34:1

Nebo ndanoolumbaisha Mwaami Lesa lyoonse. Mulomo wangu teshi ukacilekeewo kumulumbaisha.

Kulumbaisha 35:28

Lyalo mulomo wangu ulaakwaamba shabululami bwanu. Ndaakunoomulumbaisha bushiku abushiku.

Kulumbaisha 51:14

NobaLesa mutandeeki ayi mfwe, sombi amumpulushe. Lyalo ndaakushimikila pabululami bwanu cakukondwa.

Kulumbaisha 57:8

Ono omoyo wangu libambe! Okalumbu kangu libambe! Ceebo ndyeelete kucesha bushiku.

Kulumbaisha 59:12

Abacatwe mukulisumpula kwabo ceebo ca shibiibi shiswa mumilomo yabo, ee, maswi abiibi ayo ngobeshi kwaamba. Ceebo ca mashingo ngobaamba akubeca kwabo

Kulumbaisha 62:4

Ncemupingitebo nkumukusha mubulemu bwakwe. Mulasangalala abuumbi mumakani abubeshi. Mulapa coolwe amilomo yanu, sombi mumyoyo yanu kamushingana.

Kulumbaisha 63:4

Ndanoomulumbaisha lyoonse mubuumi bwangu. Ndanoonyamuna maansaangu akupaila kuli ndimwe.

Kulumbaisha 71:24

Ndaakunokwaamba shabululami bwanu cakupisha lisuba, mukwiinga abo bakalinga kusuni kuncisa, balenshekwa nsoni, akufulunganishikwa.

Shikushimikila 7:22

Webo omwiine ulishi ayi wakashingana bamwi mankanda aanji.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Mateyo 26:74

Sombi Pita wakaalabo, wasansaawo amaanshi akutalika kulumbila ayi, “Lesa ulimbwene na ntokwaamba cakubeca. Uyu muntu nebo nshimwishiiwo.” Paciindi ceenka ico kombwe wakalila.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Milimo ya Batumwi 2:26

Paceebo ceeco moyo wangu wakondwa abuumbi, alimwi ndisangalete abuumbi bulya ndintokwaamba. Awalo mubili wangu wa buntu ulaakookesha akulangila muli Lesa.

Bene Loma 3:14

Milomo yabo iliswitebo mashingo abiibi abuumbi.

1 Bene Kolinto 11:7

Musankwa taaelete kufwalako cintu kumutwi ceebo ncikoshanyo alimwi mbulemu bwakwe Lesa. Sombi mwanakashi ulatondesha bulemu bwa ibaye.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Jemusi 3:10

Mumulomo womwi mulaswa maswi akulumbaisha akushinganya. Nobamakwesu, tabwishi mboceelete kuba ubo!

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

Boomboloshi 9:27

Bantu abo bakalinga kunooya kumyuunda yabo mukuleta minyansa akupanga waini. Bakalinga kutola kuŋanda yakulambililamo lesa wabo uko nkobakalinga kusekelela. Ndibakalinga kulya akunwa bakalinga kucobola Abimeleki.