Jemusi 3:6 - Baibo Busansulushi Bwa Libuku Ili

⁶ Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

Jemusi 3:6 ပူးပေါင်းရင်းမြစ်များ

2 Samwelo 16:20

Ono Abusalomu wakaambila Ayitofelo ayi, “Tulwiiteeko, inga twacita buyani?”

2 Samwelo 19:43

Abalo bene Isilaeli bakakumbula bene Juda ayi, “Swebo tulicite sheebo shiinda kufula pashaanu mankanda ali likumi shakwaamba pamwaami Defedi. Ino sunu mutooyanda kutunaamininanshi? Mutalubiiko kwaamba ayi ndiswe bataanshi kuyeeya shakupilusha mwaami kuŊanda yakwe.” Nakubi boobo basankwa bene Juda bakeendaawo kukumbula cabukali.

2 Makani 13:17

Abija abashilumamba bakwe bakacaya bashilumamba bene Isilaeli baanji, nkokwaamba ayi bakacaya bashilumamba bali 500,000 bacibwene kulwana.

Kulumbaisha 140:3

Milaka yabo njibiibi mbuli buyoka bwa nsoka. Milomo yabo ilicite buyoka mbuli bwa fumbe.

Kulumbaisha 64:3

Bantu abo balanona milaka yabo anga njimipeeni, balaŋambila maswi ayasa anga njimifwi

Tushimpi 15:1

Kukumbula kabotu kulabombya bukali, sombi kukumbula cakucenena kulabusonkomona.

Tushimpi 16:27

Muntu utaaku mbwaabete ulapanga miyeeyo yakucisa babye, aalo maswi akwe alibo anga ngumulilo ukali.

Tushimpi 6:19

kamboni mubeshi alimwi amuntu shikuleta lupato pakati ka baabo banyumfwana.

Tushimpi 7:5

Ingaawo shikakufune kuswa kumwanakashi shibulale akumwanakashi muka mwiine waamba maswi ayungoola basankwa.

Isaya 30:27

Amubone bulemu bwa Mwaami Lesa bulabonekelabo kulaale. Mwaami Lesa ulatondesha bukali bwakwe mumulilo, alimwi amulikumbi lya bwiishi. Milomo yakwe itootutumabo kubukali aalo maswi akwe alibo anga ngumulilo unyonyoola.

Isaya 50:11

Sombi mwebo noonse nomukunka mililo akulinyanshila shimunimweenge kamweenda mumumuni wa mililo yanu awa shimunimweenge nshemwakalinyanshila. Mwaami Lesa ulaakulengesha mapensho kumucitikila, ncakwiila mulaakuba mumapensho ayoosha.

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 28:16

Aboobo Mwaami Lesa waamba ayi, ‘Ntooyanda kukushaawo pacishi ca panshi. Utoofwa mwaaka weenka uno ceebo webo waambila bantu kubukila ndime neMwaami Lesa.’ ”

Shakubelenga 25:2

Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.

Shakubelenga 31:16

Amwiibaluke ayi mbanakashi bakakonkela milawo yakwe Balaamu, akulengesha ayi bantu baashukile Mwaami Lesa kuPeyo. Ico ncecakaleta mwaalu pabantu ba Mwaami Lesa.

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Maako 7:15

Taaku cintu nabi comwi ciswa pansengwe, ico cinjila mumuntu, nceenga camubisha kweelana amilawo ya bakulukulu. Sombi isho shiswa mumoyo nsheshimubisha. [

Luka 16:24

Lyalo wakoolobesha ayi, ‘Ta Abulaamu, amunyumfwileeko nkumbu. Amutume Lasalo kwaamba ayi asumpebo munwe mumaanshi ese atontoshe mulaka wangu mukwiinga ndapya abuumbi mumulilo muno.’

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

Milimo ya Batumwi 6:13

Lyalo bakaleta bakamboni babeshi abo bakesa mukwaamba ayi, “Uyu muntu lyoonse ulaamba makani akucobola Ŋanda yakwe Lesa isalalite alimwi aMilawo yakwe Mose.

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Taitasi 1:11

Aba balyeelete kukashikwa mukwiinga batoonyonyonganya bamumaanda boonse mbobapolela kwiinda mukwiisha shintu isho nshebateelete. Balacita boobo kwaamba ayi babilile mpawo.

Jemusi 2:7

Sa te abo mbobacobola liina lilemekwa lyakwe Klistu ilyo ndyemwiitwa?

Jemusi 3:7

Muntu ulakonsha kufuba alimwi wakafubawo kale shintu shiyoya sha mishobo yoonse mbuli shinyama, shiyuni, ntaale ashintu shimwi sha mushobo uyu alimwi answi,

2 Pita 3:3

Cinene ncemweelete kwishiba ncakwaamba ayi munshiku shino shakweelaako, kulaakwisa bantu beshikumuseka abo beendeleshekwa alunkumbwa lwa mibili yabo.

3 Joni 1:10

Aboobo, na nkese, ndaakuyubulula shoonse nshaacita. Ulaya cibisha liina lyangu akumbekesha shikani. Teshi sheesho sheenka, sombi ulakaka akutambula bashomi alimwi ulakasha baabo basuni kubatambula akubatanda mucoonde.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 18:23

Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.