Jemusi 3:12 - Baibo Busansulushi Bwa Libuku Ili

¹² Nobamakwesu, sa mukuyu inga wacata maolifi, nabi shisamu sha minyansa kucata nkuyu? Mbweeke ubo akalo kantupu ka maanshi alula takakoonshi kukusha maanshi abotu.

Jemusi 3:12 ပူးပေါင်းရင်းမြစ်များ

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Mateyo 12:33

“Ono kwaamba ayi mube ashisepo shibotu, mulyeelete kuba acisamu cibotu. Na mulicite cisamu cibiibi, mulaakuba ashisepo shibiibi. Ceebo cisamu cili coonse cileshibilwa kushisepo sha ncico.

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Jemusi 3:11

Sa maanshi abotu amaanshi aalula inga aswa pakantupu komwi?