Jemusi 3:10 - Baibo Busansulushi Bwa Libuku Ili

¹⁰ Mumulomo womwi mulaswa maswi akulumbaisha akushinganya. Nobamakwesu, tabwishi mboceelete kuba ubo!

Jemusi 3:10 ပူးပေါင်းရင်းမြစ်များ

Matalikilo 20:9

Lyalo Abimeleki wakeeta Abulaamu akumwiipusha ayi, “Nciinshi ncewacita kuli ndiswe? Ncibiibinshi ncendacita kuli ndiwe calengesha kwaamba ayi ulete malwesa pali ndime abulelo bwangu boonse? Kutabi muntu nabi womwi weshi akaciboosheewo ncewacita kuli ndime.”

2 Samwelo 13:12

Sombi Tama wakaamba ayi, “Sobwe onandumi yangu! Utankakatishi kucita boobo. Cintu ca mushobo uyu taceelete kucitika mucishi ca Isilaeli! Utaciti cintu cibiibi bobulya.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Bene Loma 12:14

Kamupaila kuli Lesa kwaamba ayi ape coolwe abo bamupensha. Ee, mulyeelete kubasengela coolwe kuteshi mashingo.

1 Bene Kolinto 3:3

Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?

1 Timoti 5:13

Alimwi balaba batolo akutalika kunoobalabo milyango amilyango. Teshibo ceeco ceenka, sombi balaba bafuishi, bankulwe alimwi mbeshi kwaambabo shikani nshebateelete.

Jemusi 1:16

Mutanoocenjeekwa nobamakwesu basunikwi!

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.

Jemusi 3:11

Sa maanshi abotu amaanshi aalula inga aswa pakantupu komwi?

Jemusi 3:9

Mulaka usebenseshekwa kulumbaisha Lesa, ngowomwi weenka ngotushinganishishaako bantu abo bakalengwa mucikoshanyo cakwe Lesa.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.