Jemusi 3:1 - Baibo Busansulushi Bwa Libuku Ili

¹ Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.

Jemusi 3:1 ပူးပေါင်းရင်းမြစ်များ

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Malaki 2:12

Anu ncibotubo kwaamba ayi Mwaami Lesa atanoolanga lyobilo bantu bacita boobo ayi mbene Isilaeli. Mutabasuminishi tubili kuleta milambu kuMwaami Lesa Shinkusu shoonse.

Mateyo 10:24

“Taaku muntu utokwiiya wiinda mufundishi wakwe alimwi taaku musebenshi wiinda mwaami wakwe.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:14

Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Mulabwesa buboni bwa bamukalubinje banakashi akubeca kupaila mipailo ilaamfu. Paceebo ceeco, Lesa ulaakumoombolosha cankusu.]

Mateyo 9:11

Ono baFalisi ndibakabona boobo, bakeepusha bashikwiiya bakwe Jesu ayi, “Ino mufundishi wanu utoolitanshi abeshikusonkesha alimwi abantu batakonkeli Milawo yakwe Mose?”

Luka 16:2

Lyalo wakeeta shikulama buboni akumwiipusha ayi, ‘Ngamakaninshi aya ngoontoonyumfwa? Lemba mbone mbowalinga kweendelesha buboni mukwiinga tooelete kunoocili shikulama buboni alimwi.’

Luka 6:37

“Mutoomboloshi bamwi kwaamba ayi amwebo Lesa atakamoomboloshi. Mutapi muntu mulandu kwaamba ayi mutapekwi mulandu amwebo. Sombi amumulekelele, Lesa alakwe ulaakumulekelela.

Joni 3:10

Jesu wakamukumbula ayi, “Sa te webo uli mufundishi wa bene Isilaeli? Ino ono toocishi buyani cikani ici?

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

1 Bene Kolinto 12:28

Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

1 Timoti 1:7

Bantu abo balayanda kuba bafundishi ba Milawo yakwe Lesa, sombi tabeshi ncebatokwaamba nabi ceeco ncebatoosumina cakutatonsha.

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.

2 Timoti 1:11

Lesa wakansala kuba mutumwi amufundishi kwaamba ayi nshimikile Makani Abotu.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

Jemusi 1:16

Mutanoocenjeekwa nobamakwesu basunikwi!

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Jemusi 3:10

Mumulomo womwi mulaswa maswi akulumbaisha akushinganya. Nobamakwesu, tabwishi mboceelete kuba ubo!

1 Pita 5:3

Mutabi anga mbamaami pabantu abo mbomutoolama, sombi mube abuumi bweenka mbomusuni ayi babaabo.