Jemusi 2:8 - Baibo Busansulushi Bwa Libuku Ili

⁸ Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.

Jemusi 2:8 ပူးပေါင်းရင်းမြစ်များ

1 Baami 8:18

Sombi Mwaami Lesa wakaambila bata ayi, ‘Wakalulika kubamba muyeeyo wakunjakila ŋanda,

2 Baami 7:9

Mpeeke bakalyaamboosha ayi, “Tatweelete kucita bobulya! Tulicite makani abotu alimwi tatweelete kwaashibabo sweenka. Na tulindile ayi tukaambe macuunsa, ncakwiila tulaakupekwa mulandu. Anu katiya tukaluule kubacinenenene ba mwaami!”

Bene Lefi 19:18

Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.

Bene Lefi 19:34

Kuli mbabo mucite bweenka mbweenga mwaciita kumwine Isilaelinyinaanu, akubasuna bweenka mbomulisuni nobeene. Kamwiibaluka ayi amwebo mwakalinga baswamashi mucishi ca Ijipiti. Nebo ndime Mwaami Lesa, Lesa wanu.

Jona 4:4

Nacibi boobo, Mwaami Lesa wakamukumbula ayi, “Sa pali nceenga cakukalasha apa?”

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

Mateyo 22:39

Mulawo wabili ngooyu, awalo ulikoshenyebo autaanshi ayi, ‘Suna mubyo bweenka mboolisuni omwiine.’

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

Mateyo 25:23

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

Mateyo 7:12

“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

Bene Loma 13:10

Na muntu ulisuni mubye inga taamubishishiiwo. Nkokwaamba ayi usuni mubye ulakonkela Milawo yoonse.

Bene Galatiya 5:14

Mukwiinga Milawo yoonse ilasansululwa mumulawo womwi wakwaamba ayi, “Suna mubyo bweenka mboolisuni omwiine.”

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.

Bene Filipi 4:14

Nakubi boobo mwakabotesha kuncafwa mumapensho angu.

1 Bene Tesalonika 4:9

Taapu ceebo nceenga twalembelawo shalusuno lwanu kubashominyinaanu. Lesa wamwiisha kale mbomweelete kusunana.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.

Jemusi 2:12

Nshemwaamba anshemucita ashibe sheelete bantu bacishi ayi balaakoomboloshekwa amulawo uyo uleta lwaanguluko.

Jemusi 2:19

Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.