Jemusi 2:7 - Baibo Busansulushi Bwa Libuku Ili

⁷ Sa te abo mbobacobola liina lilemekwa lyakwe Klistu ilyo ndyemwiitwa?

Jemusi 2:7 ပူးပေါင်းရင်းမြစ်များ

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Lwiimbo lwakwe Solomoni 1:3

Bweema bwa mafuta ako anunkila kabotu bulasangalasha abuumbi. Liina lyako lilanjibalusha mafuta ako anunkila kabotu. Anu nceceeco bamyooye ncebakusunini!

Isaya 43:7

Boonse mbantu bangu, ndakabalenga ayi banoompa bulemu.”

Isaya 65:15

Bantu bangu mbondakasala balaakunosebensesha liina lyanu pakushingana. Nebo neMwaami Lesa Shinkusu shoonse ndaakubanyonyoola. Sombi basebenshi bangu balo ndaakubapa liina limwi.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Mateyo 27:63

akumwaambila ayi, “Nkambo, tuliingashite mbwaakaamba mubeshi uyo kaacili muumi ayi, ‘Ndaakubushikwa alimwi pabushiku bwatatu.’

Milimo ya Batumwi 11:26

Ndyaakamucana, wakamutola kuAntyoki. Mpeeke Saulo aBanabasi bakalinga kwikala mubwanabwankashi abantu ba mucoonde alimwi akwiisha bantu baanji kwamwaaka woonse. KuAntyoki nkomunya uko, bashomi nkobakataanguna kwiitwa ayi bene Klistu.

Milimo ya Batumwi 15:17

Aboobo bantu bamwi boonse balaakulangoola nshila ya Mwaami Lesa, nkokwaamba ayi baswamashi bakunsengwe boonse abo mbondakasala ayi babe bantu bangu.

Milimo ya Batumwi 26:11

Mankanda aanji ndakalengesha ayi bapenshekwe mushoonde sha baJuda akwaamba ayi bacileeke kushoma muli Jesu. Ndakalinga mukali cakwaamba ayi ndakalinga kuya mumandabala a mushishi shimwi mukubapensha.

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Bene Efeso 3:15

uko mukowa woonse wa kwiculu apacishi ca panshi nkookusha liina.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

1 Pita 4:16

Sombi na mwapenshekwa ceebo cakuba bene Klistu, mutanyumfwi nsoni, sombi mulumbe Lesa ceebo ca liina ilyo.

Ciyubululo 19:13

Cisani ncaakalinga kufwete cakasumpwa mubulowa, liina lyakwe “NguLiswi lyakwe Lesa.”

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”