Jemusi 2:18 - Baibo Busansulushi Bwa Libuku Ili

¹⁸ Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”

Jemusi 2:18 ပူးပေါင်းရင်းမြစ်များ

Bene Loma 14:23

Sombi na utootonsha pakulya cintu cimwi nkokwaamba ayi wabisha kale mukwiinga ncaatoocita teshi ncaashoma ayi cilyeelete kucitwa. Nkokwaamba ayi cintu coonse muntu ncaacita kaatashomi ayi cilyeelete kucitwa, nkubisha.

Bene Loma 3:28

Paceebo ceeci tulaamba ayi muntu ulalulamikwabo kwiinda mulushomo, kuteshi kukonkela Milawo, sobwe.

Bene Loma 4:6

Ici nceceeci Defedi ncaakaambila ayi ulicite coolwe muntu uyo Lesa ngwaalulamika pameenso akwe, kuteshi ceebo ca milimo ibotu njaacita.

Bene Loma 8:1

Ono abo bashoma muli Jesu Klistu, Lesa taabapi mulandu.

Bene Loma 9:19

Ono umwi pali ndimwe inga weepusha ayi, “Ino ono na Lesa mbwaacita ubo, ulapetanshi bantu milandu? Ino ngani weenga wakasha Lesa kucita nshaasuni?”

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

Taitasi 2:7

Mushintu shoonse webo ulyeelete kuba citondesho mukucita milimo ibotu. Koiisha cakushomeka abulemu.

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

Bene Ebulu 11:6

Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

Jemusi 2:14

Ino nimpindunshi icite muntu waamba ayi ulicite lushomo, sombi taaciti micito ibotu? Sa lushomo lwa mushobo uyo inga lwamupulusha?

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.