Jemusi 1:9 - Baibo Busansulushi Bwa Libuku Ili

⁹ Mushomi mukandu ulyeelete kusangalala na Lesa wamusumpula.

Jemusi 1:9 ပူးပေါင်းရင်းမြစ်များ

Kulumbaisha 62:9

Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.

Tushimpi 17:5

Muntu uyo useka bakandu, ingayi ulanyansha Mulengi wabo. Uyo woonse usangalalila mumapensho a umwi, teshi akalangwebo cakutapekwa mulandu.

Tushimpi 19:1

Muntu mukandu utacite kampenda ngumubotu kwiinda muluya ucite mulomo uya bubeca.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Luka 1:52

Wakusha baami beshinkusu shiinji pashuuna sha bwaami, akusumpula baabo baliceesha.

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

Dutolonomi 15:11

Mulyeelete kwishiba ayi lyoonse palaakunooli bene Isilaeli bamwi bakandu abo bayandika kucafwikwa. Paceebo ceeci, ndamwaambila ayi mulyeelete kunoobanyumfwila nkumbu akubacafwa.

Dutolonomi 15:7

“Ono na mundabala imwi mucishi ico Mwaami Lesa, Lesa wanu ncatoomupa muli mwine Isilaelinyinaanu utacite shiyandika mubuumi, tamweelete kuba boonyu mukutamucafwa.

Dutolonomi 15:9

Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.

Bene Filipi 3:14

Aboobo ndacicila kushika kumeelelesho kwaamba ayi nkatambule cilambu kwiculu ncakatwiitila Lesa kwiinda muli Klistu Jesu.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.