Jemusi 1:5 - Baibo Busansulushi Bwa Libuku Ili

⁵ Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Jemusi 1:5 ပူးပေါင်းရင်းမြစ်များ

1 Makani 22:12

Mwaami Lesa, Lesa wako aakupe lushibo abusongo kwaamba ayi ukalele kabotu cishi cino ca Isilaeli kweelana aMilawo yakwe.

2 Makani 1:10

Anu amumpe busongo alushibo ayi nkonshe kulela bantu aba. Kwabula boobo inga ndakonsha buyani kulela mushobo wa bantu banu uyu unene bobulya?”

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.

Kulonga 31:3

alimwi ndamwisusha Mushimu wangu. Ndamupa lushibo, maano alimwi abusongo bwa pabuyaki buli boonse.

Kulonga 31:6

Ndasala aOolyabu mwanaakwe Ayisamaki, wa mumukowa wakwe Dani kwaamba ayi asebense aBesalelo. Alimwi ndapa busongo bunene kubacishi milimo boonse, kwaamba ayi bapange cili coonse ncendaamba

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Mateyo 11:20

Mpomunyaawo Jesu wakatalika kukalalila bantu ba mumandabala umo mwaakacitila shaankamiko, mukwiinga tabakwe kusanduka kuswa kushibiibi.

Maako 16:14

Kumamanino, Jesu wakaboneka kubashikwiiya bali likumi awomwi kabalya. Wakabakalalila ceebo cakubula lushomo akuyuma myoyo, mukwiinga tabakwe kushoma baabo bakamubona kaabukite kuswa kubafu.

Joni 14:13

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo.

Joni 15:7

Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.

Joni 4:10

Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”

2 Bene Kolinto 2:16

Kubaabo batoosoweka, bweema ubo mbwalufu. Sombi kubaabo beshi bakapulushikwe, mbubotu alimwi bulaleta buumi. Ono ngani weelete kucita mulimo wa mushobo uyu?

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.