Jemusi 1:18 - Baibo Busansulushi Bwa Libuku Ili

¹⁸ Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

Jemusi 1:18 ပူးပေါင်းရင်းမြစ်များ

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Bene Lefi 23:10

“Na mukenjile mucishi ca Kenani ico ncentoomupa, ono na mukatebule shakulya shanu shili anga ngamaila, mukatole mule wakutaanguna kumupailishi.

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

1 Bene Kolinto 4:15

Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

2 Bene Kolinto 6:7

mumaswi alushinisho alimwi amunkusu shakwe Lesa. Tulasebensesha shakulwanisha sha bululami mumaansa oonse obilo lyalulyo alyacipiko.

Bene Efeso 1:12

Wakalinga kusuni kwaamba ayi swebo sotwakataanguna kulangila Klistu, tulumbaishe bulemu bwakwe Lesa.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

2 Timoti 2:15

Koelesha cankusu ayi ulyaabe kuli Lesa, mbuli musebenshi usuminishikwa ucita mulimo utamulenshi nsoni, uyo wiisha ciluleme maswi a lushinisho.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.

Jemusi 1:15

Ono lunkumbwa lwakwe na lwakula lulashala cibiibi alimwi cibiibi ici na cakula cilashala lufu.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jemusi 3:14

Ono na mumyoyo yanu muli munyono uyoosha alimwi akulisuna, mutacoboli lushinisho kwiinda mukulilumbaisha ayi muli basongo.

1 Pita 1:23

Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

1 Joni 3:9

Woonse mwanaakwe Lesa taatoleleli kubisha ceebo mibo yakwe Lesa ili muli nguwe. Mukwiinga Lesa ngoIshi, taakoonshi kutolelela kubisha.

Ciyubululo 14:4

Mbobasankwa bakalisalasha kwiinda mukutakumana abanakashi, ncakwiila balisalalite. Balakonkela Mwanaambelele kuli koonse nkwaaya. Bakapulushikwa kuswa pabantu ba mucishi ca panshi akuba anga nshishango shitaanshi kutebulwa, isho shipekwa kuli Lesa alimwi aMwanaambelele.