Jemusi 1:14 - Baibo Busansulushi Bwa Libuku Ili

¹⁴ Sombi muntu woonse ulasunkwa na wayungoolwa akucenjeekwa alunkumbwa lwakwe mwiine.

Jemusi 1:14 ပူးပေါင်းရင်းမြစ်များ

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

2 Samwelo 11:4

Mpomunyaawo Defedi wakatumaako beshinkombe ayi baye bamulete. Mwanakashi uyo wakesa kuli Defedi. Mpeeke wakakumanaakwe. Ono ciindi ico Batisheba ndyaakaswabo munsondo yakwe yakutanoosalalite kweelana aMilawo ceebo cakukubala. Lyalo wakaboolela kuŋanda yakwe.

Jobo 31:27

Nshikwe kulengeshekwawo kupambuka kwaamba ayi nshilemeke, ee, kushilemeka kwiinda mukufyonta lyaansa lyangu.

Jobo 31:9

“Na moyo wangu wakakumbwawo kale mukamweensuma akuya mukulindilila kaanjubite kumulyango waŋanda yakwe,

Tushimpi 4:23

Bunene bunene, ulame moyo wako ceebo nkokantupu ka buumi bwako.

Isaya 44:20

Sa te ca mushobo uyo cilyeelenebo akulya milota. Ndushinisho maano akwe alisaamite, aboobo taakoonshi kulifuna napaceyuubo. Taakoonshi kwishiba ayi ici cintu nceencite mulyaansa lyangu lyalulyo ncabubeshi.

Osiya 13:9

“Nobene Isilaeli, ndaakumunyonyoola ceebo mwabukila ndime neemucafwa.

Mateyo 15:18

Sombi shintu shiswa mumulomo wa muntu, mukwiinga shilaswa mumoyo, nsheshimubisha.

Mateyo 15:20

Ishi nsheshintu shibisha muntu, sombi kulya kaatakwe kusamba kumaansa takubishi muntu.”

Mateyo 4:1

Lyalo Jesu wakatanjililwa aMushimu Usalashi kuya muluyanga ayi akasunkwe aMubiibi.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Bene Loma 7:11

Ceebo bubi bwakacana nshila muMilawo alimwi kwiinda muMilawo bwakambeca akuncaya.

Bene Loma 7:13

Sa ici cilaamba ayi cintu cibotu ici ncecakanengesha ayi mfwe? Sobwe! Sombi mbubi bwakalengesha kwiinda mukusebensesha cintu cibotu ico kwaamba ayi bubi buboneke mbuli mbobubete. Aboobo kwiinda muMilawo bubi bulabicila limwi.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.

Jemusi 1:13

Muntu na wasunkwa ataambi ayi, “Lesa ngowansunka,” ceebo Lesa taasunkwi abubi alimwi taaku muntu ngwaasunka.

Jemusi 1:15

Ono lunkumbwa lwakwe na lwakula lulashala cibiibi alimwi cibiibi ici na cakula cilashala lufu.