Jemusi 1:10 - Baibo Busansulushi Bwa Libuku Ili

¹⁰ Alakwe mushomi mubile ulyeelete kusangalala na Lesa waceesha buboni bwakwe. Mukwiinga mubile ulaakumana bweenka mbuli liluba lya muluundu.

Jemusi 1:10 ပူးပေါင်းရင်းမြစ်များ

Jobo 14:2

Ulakula anga ndiluba linefuma kwaciindi ciniini akunyana. Ee, buumi bwakwe bulibo anga ncimfule ico cishiminganashiminganabo.

Kulumbaisha 102:11

Ncakwiila nshiku shangu shili anga ncimfule ca macolesha. Ee, ndaba anga mbwiisu buyumu.

Kulumbaisha 103:15

Sombi swebo, buumi bwesu bulibo anga mbwiisu. Tulakula akunemfuma anga ndiluba lya muluundu.

Kulumbaisha 37:2

Ceebo balaakuloba coonoono bweenka buloba bwiisu. Ncakwiila bweenka buloba shishango.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Isaya 40:6

Liswi lyaamba ayi, “Olobesha.” Anebo ndakakumbula ayi, “Ngolobeshenshi?” Olobesha ayi, “Bantu boonse bali anga mbwiisu, abwalo bulemu bwabo bulibo anga mbwa maluba a muluundu.

Isaya 40:7

Bwiisu bulayuma aalo maluba alaloka, ceebo muuwo wa Mwaami Lesa washipuupila. Ndushinisho buumi bwa bantu bulibo anga mbwa bwiisu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Mateyo 6:30

Ono na Lesa ulafwalika boobo bwiisu ubo bucita sunu mpobuli sombi ciilo bwapya, sa mwebo inga taamufwaliki kwiindaawo? Kuceya lushomo ndomucite mwebo nobantu!

1 Bene Kolinto 7:31

Abalo abo basebensesha shintu sha buumi bwa cishi ca panshi, tabeelete kwiililwa mushintu isho. Ceebo bubotu bwa cishi boonse bulaakwiinda.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Jemusi 4:14

Sombi tamwishi ambweshi bukace ciilo. Mwebo mulibo anga mbwiishi ubo bubonekabo ciindi ciniini akushimingana.

1 Pita 1:24

Bweenka bwaamba Malembo akwe Lesa ayi, “Bantu boonse bali anga mbwiisu, bulemu bwabo buli anga ngamaluba amuluundu. Bwiisu bulayuma alimwi maluba alaloka,

1 Joni 2:17

Cishi alimwi ashintu shoonse shiliimo isho bantu nshebakumbwa shitooya bumana, sombi uyo ucita kuyanda kwakwe Lesa, ulaba abuumi butamaani.