Jemusi 1:1 - Baibo Busansulushi Bwa Libuku Ili

¹ Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

Jemusi 1:1 ပူးပေါင်းရင်းမြစ်များ

1 Baami 18:31

Wakabwesa mabwe ali likumi aobilo. Lyomwi alyomwi kaliimikanina mukowa womwi wa bamulunyungu lwakwe Jakobo, musankwa uyo Lesa ngwaakapa liina lya Isilaeli.

Esila 6:17

Pakwiibenga kuli Lesa bakabenga bacende mwaanda, mbelele shisankwa myaanda yobilo alimwi abana ba mbelele basankwa myaanda yone. Bakabenga ampongo likumi ashobilo ayi ngumulambu wakulekelelwa shibiibi nkokwaamba ayi mpongo yomwi ayomwi kumushobo womwi awomwi wa bene Isilaeli.

Esita 3:8

Mpomunyaawo Amani wakaambila mwaami Sakisesi ayi, “Kuli mushobo umwi wa bantu bapalangene mubwaami bwanu boonse abo bakonkela kwishibila kupuseneeko akwa bantu bamwi boonse. Bantu abo balakaka akukonkela milawo yanu. Aboobo taaku mbweshi cimucaafwe kubalekabo.

Kulonga 24:4

Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.

Kulonga 28:21

Palibwe lyomwi alyomwi lya mabwe ayo ali likumi aobilo, palyeelete kulembwa liina lyomwi lya mwanaakwe Jakobo musankwa, kwaamba ayi eemikanine mikowa ya bene Isilaeli.

Kulonga 39:14

Palibwe lyomwi alyomwi lya mabwe ayo ali likumi aobilo, pakalembwa liina lyomwi lya mwanaakwe Jakobo musankwa, kwaamba ayi eemikanine mikowa ya bene Isilaeli.

Esekelo 12:15

“Ndaakumana kubatandila pakati ka mishobo imwi akubapalanganishisha mushishi shimwi, ndyeshi bakeshibe ayi nebo ndi Mwaami Lesa.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Mateyo 10:3

Filipo aBatolomeyo, Tomasi aMateyo shikusonkesha, Jemusi mwanaakwe Alufeyasi aTadeyasi,

Mateyo 13:55

Sa uyu teshi ngomwaana wa mubeseshi ulya? Sa te baMaliya mbobanyina? Sa te banandumi shakwe nguJemusi, Josefu, Simoni aJudasi?

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Maako 3:18

Andulu, Filipo, Batolomeyo, Mateyo, Tomasi, Jemusi mwanaakwe Alufeyasi, Tadeyasi, Simoni shikulwanina lwaanguluko

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

Luka 6:15

Mateyo, Tomasi, aJemusi mwanaakwe Alufeyasi alimwi aSimoni shikulwanina lwaanguluko,

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 7:35

Mpeeke baJuda bakatalika kulyaamboosha beene ayi, “Ino nkuli nkwaatooyanda kuya uyu muntu uko nkweshi tukabule kumucana? Sa utooyanda kuya kubamakwabesu abo bakapalanganina kubaGiliki akwiisha baGiliki?

Milimo ya Batumwi 1:13

Ndibakashika, bakenjila muŋanda mucipinda ca peculu mobakalinga kwikala. Batumwi aba bakalinga Pita, Joni, Jemusi aAndulu, Filipo aTomasi, Batolomeyo aMateyo, Jemusi mwanaakwe Alufeyasi, Simoni shikulwanina lwaanguluko alimwi aJudasi mwanaakwe Jemusi.

Milimo ya Batumwi 12:17

Pita wakaboomusha alyaansa akubasansulwita mbuli Mwaami Lesa mbwaakamukusha muntolongo. Wakabaambila alimwi ayi, “Mulwiiteko Jemusi alimwi abashomi bamwi boonse.” Ndyaakamana kwaamba boobo, wakaya kumwi.

Milimo ya Batumwi 15:13

Ndibakamana kwaamba, Jemusi alakwe wakaamba ayi, “Amukutike nobamakwesu!

Milimo ya Batumwi 15:21

Mukwiinga Milawo yakwe Mose yakatalikabo kale kale kubelengwa mushoonde sha baJuda. Aboobo bantu balashimikila maswi ngaakaamba lyoonse pabushiku bwakookesha bwa Cibelu mumandabala oonse.”

Milimo ya Batumwi 15:23

Nkalata njebakabapa ayi batole yakalinga kwaamba ayi, “Nobamakwesu, swebo sobatumwi abamatanjilili ba coonde twamwaansha noonse nobaswamashi bakunsengwe nomushoma muMwaami Jesu nomwikala muAntyoki, Silya aSilisiya.

Milimo ya Batumwi 2:5

MuJelusalemu mwakalinga baJuda bakalinga kulemeka Lesa abo bakaswa mushishi shipusenepusene.

Milimo ya Batumwi 21:18

Bushiku bwakaboolaawo, Paulo alimwi aswebo soonse twakaya mukubona Jemusi. Nkomunya uko twakacana abamatanjilili ba coonde kababungene.

Milimo ya Batumwi 23:26

“Ndime Kulodyasi Lisiyasi nentoolembela ndimwe nomulemekwa beendeleshi baFelekisi. Ndamwaansha na muli kabotu.

Milimo ya Batumwi 26:7

Mishobo yoonse ili likumi ayobilo ya bantu besu batoolangila kutambula ncemunya ico Lesa ncaakashomesha kwiinda mukupaila malumwi amashiku. Aboobo nobaami balemekwa ceebo cakulangila uku baJuda batoombekesha shikani shoonse ishi!

Milimo ya Batumwi 8:1

Pabushiku bweenka ubo, bene Klistu ba mundabala ya Jelusalemu bakatalika kupenshekwa abuumbi. Boonse bashomi, kukushakobo batumwi, bakapalanganina mumisena yoonse ya Judeya aSamaliya.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Galatiya 1:19

Taaku mutumwi aumwi ngondakabona, sombibo Jemusi eenka, mukwabo Mwaami wesu Jesu.

Bene Galatiya 2:12

Kabatana kushika basankwa bamwi mbwaakatuma Jemusi, Pita wakalinga kulya abaswamashi bakunsengwe bashominyina. Sombi ndibakashika basankwa abo, wakalipatula akucileka kulyaabo mukwiinga wakalinga kuloonda baabo bakalinga kusuni ayi baswamashi bakunsengwe banoopalulwa.

Bene Galatiya 2:9

Mpeeke Jemusi, Pita aJoni, abo bakalinga kwiitwa ayi mbamatanjilili ba bashomi, bakashinisha ayi Lesa muluse lwakwe wakampa mulimo uyu. Kuswawaawo, bakacata Banabasi anebo mumaansa kutondesha bwanabwankashi bwesu. Twakanyumfwana ayi Banabasi anebo tusebensele kubaswamashi bakunsengwe, balo kubaJuda.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.

Dutolonomi 32:26

Ndakalinga kusuni kubanyonyoola boonse ayi bantu bamwi batakabeebalukiwo tubili.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Bene Filipi 1:1

Ndime Paulo alimwi aTimoti basebenshi bakwe Klistu Jesu. Tutoolembela ndimwe noonse nobantu bakwe Lesa muli Klistu Jesu nomuli muFilipi, pantu pomwi abamatanjilili ba coonde abacafwi.

2 Timoti 4:21

Weeleshe cankusu kwisa mupewo kootana kushikila. Yubulasi, Pudensi, Linasi aKulodyasi bamwaansha pantu pomwi abashomi bamwi boonse.

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

1 Pita 1:1

Ndime Pita mutumwi wakwe Jesu Klistu. Ntoolembela kubantu bakwe Lesa mbaakasala abo bakamwaikila kuPontusi, Galatiya, Kapadosiya, Esha alimwi aBitiniya.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Ciyubululo 7:4

Mpomunyaawo ndakalwiitwa ayi bantu abo bakalinga kucite twishibilo twakwe Lesa pankumo, bakalinga 144,000. Bakaswa kumikowa ya bene Isilaeli ili likumi ayobilo.