Jelemiya 9:8 - Baibo Busansulushi Bwa Libuku Ili

⁸ Milaka yabo ilacayabo anga ngumufwi, ncakwiila ilaambabo shakubeca. Womwi awomwi ulabandika kabotu kumubye, sombi mumoyo utooteya koose kuli nguwe.

Jelemiya 9:8 ပူးပေါင်းရင်းမြစ်များ

2 Samwelo 3:27

Ono Abina ndyaakaboola kuEbuloni, Joabu wakamutola kulubasu kumwinjililo anga ulisuni kubandikaakwe cabushishi. Mpeeke kweenka uko wakamuyasa mulifumo, wafwa. Joabu wakacita boobo kwaamba ayi abooshe cishole cakucaya Asayelo mukwabo.

Kulumbaisha 12:2

Womwi awomwi ulabeca shikamukobonyina. Balalumbaisha cakubeca akwaamba camyoyo yobilo.

Kulumbaisha 12:3

NoBaami baLesa amuumushe milomo ilumbaisha cakubeca. Amucale milomo iyo yaamba shakulisumpula ayi,

Kulumbaisha 120:3

Ino Lesa ulaakumucita buyani mwebo nobabeshi? Ulaakumupa mulandunshi mwebo nomutaambi lushinisho?

Kulumbaisha 28:3

Mutantoleleli kulufu kuntu komwi abamucita shibi, bantu abo bacita shintu shitaluleme. Bantu abo balaamba cabushicibusa, sombi mumyoyo yabo muli lupato.

Kulumbaisha 35:20

Ceebo tabaambi caluumuno, sombi kweenka kupangila shikani bantu abo bekala caluumuno mucishi.

Kulumbaisha 55:21

Maswi akwe akalinga kukondelesha kwiinda bwaanda, sombi moyo wakalinga kushimbite kulupato. Maswi akwe akalinga kubombya anga ngamafuta a olifi, sombi alayasa anga njimipeeni ikolete abuumbi.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 62:5

Omoyo wangu umunabo tontolo mukushoma kuli Lesa, mukwiinga kuli nguwe eenka nkokuswa lulangilo lwangu.

Kulumbaisha 64:8

Ulaakubanyonyoola ceebo ca maswi abo abiibi. Abo beshi bakababoone balaakunoopukumunabo mitwi.

Tushimpi 25:18

Muntu upa bukamboni bwakubeca kumubye uli anga ninkoli, mupeeni nabi mufwi ukolete.

Jelemiya 5:26

“Pakati ka bantu bangu mpobali bamucita shibi abo bayubilila babyaabo mbuli bantu beshikuteya tuyuni. Sombi balo toose twabo ntwakucatishamo bantu.

Jelemiya 5:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 9:3

Balabambabamba milaka yabo anga mbuta kwaamba ayi bakushe bubeshi. Teshi kwaamba lushinisho kubalengesha kukoma mucishi, sobwe. Mwaami Lesa waamba ayi, “Bantu bangu baleelika cibiibi pacibiibi Tabantambuliiwo ayi ndi Lesa wabo, sobwe.

Jelemiya 9:4

“Jelemiya, cenjela ababyo, utashomi bamakwanu ceebo mukwanu woonse ngumubeshi amubyo woonse ngushikufuya.

Jelemiya 9:5

Womwi awomwi ngushikucenjeeka mubye, taaku awaamba shalushinisho. Bakeeisha milaka yabo kubeca, akumana nkusu shabo shoonse mukubisha.

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.