Jelemiya 9:3 - Baibo Busansulushi Bwa Libuku Ili

³ Balabambabamba milaka yabo anga mbuta kwaamba ayi bakushe bubeshi. Teshi kwaamba lushinisho kubalengesha kukoma mucishi, sobwe. Mwaami Lesa waamba ayi, “Bantu bangu baleelika cibiibi pacibiibi Tabantambuliiwo ayi ndi Lesa wabo, sobwe.

Jelemiya 9:3 ပူးပေါင်းရင်းမြစ်များ

Matalikilo 39:16

Cakufwala ca peculu ico wakacisunga kushikila mwaami wakwe Josefu ndyaakesa kuŋanda.

Tushimpi 12:5

Miyeeyo ya baluleme ili kabotu, sombi kupanda maano kwa bamucita shibi nkwabubeshi.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 3:5

Lyalo bantu balaakutalika kulyatililana, nkokwaamba ayi musankwa kulyatilila musankwanyina, shikamukobo kulyatilila shikamukobonyina. Bacikula bwangu balaakunoonyansha bamanene abalo bantu bataaku mbobabete balaakunoonyansha bamatanjilili babo.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Isaya 9:18

Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.

Jelemiya 12:6

Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”

Jelemiya 22:16

Lakwe wakalinga kwiimikanina bapenshi abakandu mumilandu. Aboobo shintu shoonse shakalinga kumweendela kabotu. Sa te kucita boobo mbocaamba kwishiba ndime? Nebo neMwaami Lesa ndaamba.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Jelemiya 5:4

Lyalo ndakayeeya ayi, “Bantu aba mbakandu alimwi tabacitewo maano ceebo tabeshi nshila sha Mwaami Lesa asheesho shiyanda Lesa wabo.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Jelemiya 6:28

Boonse mbayumu myoyo, mbaashu alimwi mbafuyishi. Myoyo yabo njiyumubo anga ngubulonse nabi nshimbi. Ncakwiila boonse mbeshi kuya cifuyabo.

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’

Jelemiya 9:5

Womwi awomwi ngushikucenjeeka mubye, taaku awaamba shalushinisho. Bakeeisha milaka yabo kubeca, akumana nkusu shabo shoonse mukubisha.

Jelemiya 9:8

Milaka yabo ilacayabo anga ngumufwi, ncakwiila ilaambabo shakubeca. Womwi awomwi ulabandika kabotu kumubye, sombi mumoyo utooteya koose kuli nguwe.

Esekelo 8:13

Kuswawaawo wakaŋambila ayi “Utoobabona kabacita shintu shilensha bunya kwiinda sheeshi.”

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Bene Lefi 19:11

“Mutanokwiipa, kubeca nabi kuba shikucenjeeka.

Maako 8:38

Paceebo ceeco uyo woonse unyumfwa nsoni ceebo ca ndime alimwi amaswi angu paciindi cino, mucishi ciswite bantu bamucita shibi, alakwe MwanaaMuntu ulaakumunyumfwila nsoni pakwisa abaanjelo basalalite, mubulemu bwa baIshi.”

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Milimo ya Batumwi 24:9

Abalo baJuda bakasuminisha akwaamba ayi shoonse nshancinencine.

Bene Loma 1:16

Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Bene Loma 3:13

Myaambo yabo njabubeshi, ilacaisha. Kwiinda mumilaka yabo mbeshi kwaamba shakubeca, alimwi mumilomo yabo mulaswabo maswi abucayi, mbuli busoka bwa nsoka.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

Bene Filipi 1:28

Mutaloondi balwani banu, sombi amuyume cakubula boowa. Aboobo cilaakutondesha kwaamba ayi balaakunyonyoolwa, sombi mwebo Lesa ulaakumupulusha.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.

Boomboloshi 14:17

Wakamulilila panshiku shosanwe ashobilo sha kusekelela kwabo, sombi pabushiku bwakweelaako wakamusansulwita ceebo wakamupensha pacikani ico. Aboobo mwanakashi wakasansulwita bene mishaabo.

Boomboloshi 2:10

Ono bamulishalane ili lyoonse ndibakamana kufwa, kwakesa lishalane limwi ilyo lyatakalinga kwishi Mwaami Lesa anshaakacitila bene Isilaeli.

1 Samwelo 2:12

Bana bakwe Eli basankwa bakalinga babiibi. Tebakalinga kunyumfwila Lesa