Jelemiya 8:6 - Baibo Busansulushi Bwa Libuku Ili

⁶ Ndakakutikisha, sombi mwebo tamukwe kwaambawo lushinisho. Taaku usanduka kuswa kububi bwakwe akwiipusha ayi, ‘Nciinshi ncendalubisha?’ Womwi awomwi ulatolelela munshila shakwe anga ndiaki litoocicila nkondo.

Jelemiya 8:6 ပူးပေါင်းရင်းမြစ်များ

Jobo 10:2

NobaLesa mutampi mulandu, sobwe. Sombi amundwiite ncendamubishisha.

Jobo 34:31

“Sa webo Jobo wakalyaambililawo kale kuli Lesa ayi, ‘Ndakabisha, sombi teshi nkabooshewo tubili?’

Jobo 34:32

Sa wakasengawo kale Lesa ayi akutondeshe shilubo shako akusumina ayi teshi ukabishewo tubili?

Kulumbaisha 14:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 57:17

Ndakalinga ndabakalalila ceebo ca shibiibi shabo alimwi abulyabi. Ndakabapa mulandu akubafutatila ceebo ndakakalala. Nakubi boobo bakatolelela anshila shabo shibiibi.

Isaya 59:16

Wakabona kwaamba ayi tepakalinga nabi womwi wakalinga kukonsha kucitaawo cimwi cintu pacikani ico. Aboobo wakayeeyabo ayi abapulushe lakwe mwiine ankusu shakwe. Mukucita boobo wakatanjisha bululami bwakwe.

Jelemiya 23:25

“Ndanyumfwa balaluki nshebaamba abo balaluka shabubeshi muliina lyangu. Balaamba ayi, ‘Ndaloota! Ndaloota!’

Jelemiya 3:5

Sa munanookalalitebo lyoonse? Sa bukali bwanu teshi bukamaneewo?’ Mbomutookwaamba ubo mwebo, sombi namwaambi boobo, mucitolelela kubisha.”

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Esekelo 18:28

Ulaakuba abuumi ceebo wakayeeya shilubo shoonse nshaacita akushileka, ndushinisho teshi akafweewo.

Esekelo 22:30

“ ‘Mpeeke ndakayandoola muntu pakati kabo uyo weenga wayaka lubumbu akwiimikana kunembo lyangu mumusena apo lubumbu mpolwakamwayuluka ayi afune cishi kwaamba ayi ntakacinyonyooli. Sombi ndakacana kwaamba ayi taakuuwo nabi womwi.

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Sefaniya 3:7

Ndakaambila ndabala iyo ayi, ‘Ncakwiila ulaakunoonda kushikila ukasumine kululamikwa!’ Mukucita boobo ndabala iyo teshi ikanyonyoolwe alimwi teshi nkeepe mulandu weelete, sombi balisuni kubisha muli shoonse isho nshebacita.”

Agayi 1:5

“Sa tamutoobona shitoocitika kuli ndimwe?

Agayi 1:7

“Sa inga tamuboni shintu ishi mboshitoocitika kuli ndimwe?

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.