Jelemiya 7:22 - Baibo Busansulushi Bwa Libuku Ili

²² Mukwiinga ndyendakakusha bamashali banu bakulukulu muIjipiti, nshikwe kubapabo milawo ya pamilambu yakutenta nabi pamilambu imwi.

Jelemiya 7:22 ပူးပေါင်းရင်းမြစ်များ

Kulumbaisha 40:6

Mwebo tamusangalalili mumilambu nabi mushipo. Milambu yakutenta nabi yakumana shibiibi tamucite asho ncito. Sombi nebo mwakampa matwi akunyumfwila ndimwe.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Osiya 6:6

Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Maako 12:33

Paceebo ceeco, kusuna Lesa amoyo woonse, amiyeeyo yoonse, ankusu shoonse alimwi akusuna mubyo bweenka mbuli mboolisuni omwiine, kukonkela milawo iyi yobilo, ncibotu abuumbi kwiinda kutola shipo shakutenta nabi shipo shimwi shoonse kuli Lesa.”

Dutolonomi 17:3

Nkokwaamba ayi wakalambila akusebensela balesa bamwi, lisuba, mweenshi nabi nyenyeenshi, ico citeendelani amulawo wa Mwaami Lesa.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.