Jelemiya 7:2 - Baibo Busansulushi Bwa Libuku Ili

² “Koya wiimikane pamwinjililo wa kuŊanda yangu neMwaami Lesa, uye waambe maswi aya: “Amunyumfwe maswi angu neMwaami Lesa mwebo noonse nobene Juda nomwiinda paminjililo iyi kuya mukunambila.

Jelemiya 7:2 ပူးပေါင်းရင်းမြစ်များ

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Kulumbaisha 122:2

Ono anaapa myeendo yesu iliimfwi mukati ka minjililo, ee, yenjila mukati kako, webo oJelusalemu.

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Jelemiya 10:1

Amunyumfwe shitoomwaambila Mwaami Lesa, mwebo nobene Isilaeli.

Jelemiya 11:6

Mpeeke Mwaami wakaŋambila ayi, “Koya waambilishe maswi aya oonse mumandabala a kuJuda amumikwakwa ya muJelusalemu ayi, ‘Amunyumfwe makani acipangano ici alimwi mwaakonkele.

Jelemiya 19:14

Kuswawaawo nebo neJelemiya ndakaswaako kuTofeti uko Mwaami Lesa nkwakalinga wantuma kuya mukulaluka. Lyalo ndakeemikana mulubansa lwa Ŋanda ya Mwaami Lesa akwaambila bantu ayi,

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 2:4

Amunyumfwe maswi a Mwaami Lesa, mwebo nobamulunyungu lwakwe Jakobo, ee, noshipani sha mumikowa ya bene Isilaeli.

Jelemiya 26:2

“Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.

Jelemiya 28:5

Mpomunyaawo nebo neJelemiya ndakakumbula mulaluki Ananiya pameenso a bapailishi abantu boonse abo bakalinga kwiimfwi muŊanda ya Mwaami Lesa.

Jelemiya 34:4

“Ono webo Sedekiya nyumfwa nshentokwaamba pali ndiwe. Webo teshi ukacaikweewo munkondo.

Jelemiya 36:10

Lyalo bantu boonse kabanyumfwite, Baluki wakabelenga pacakulembelaawo shoonse isho nshendakamulwiita. Maswi aya wakaabelengela muŊanda yakwe Lesa, kaali mucipinda cakwe Gemaliya mwanaakwe Shafani uyo wakalinga mulembi wa kubwalo. Cipinda cakwe ico cakalinga palubansa lwa peculu pafwaafwi akuMwinjililo Upya wa kuŊanda yakwe Lesa.

Jelemiya 36:6

Sombi webo ukenjileemo pabushiku ubo bantu ndyeshi bakatalike kulikasha kulya. Waakuya, ukabelenge cakoolobesha maswi ali pacakulembelaawo ico kwaamba ayi bakanyumfwe shoonse shakandwiita Mwaami Lesa isho nshendakakulwiita. Ukacitile boobo uko bantu boonse nkweshi bakanoonyumfwa kubikaawo abene Juda abo bakaswa mumandabala abo.

Jelemiya 44:24

Kuswawaawo nebo neJelemiya ndakaambila bantu boonse, kubikaawo abanakashi ayi, “Amukutike liswi lya Mwaami Lesa mwebo noonse nobene Juda nomuli muIjipiti.

Jelemiya 7:1

Aya ngamaswi Mwaami Lesa Shinkusu shoonse, Lesa wa bene Isilaeli ngwaakatumina Jelemiya. Wakaamba ayi,

Esekelo 37:1

Mpeeke nkusu sha Mwaami Lesa shakanselukila. Mushimu wakwe wakantola pakati ka cinyika ico cakalinga kuswitebo mafuwa.

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

Amosi 7:16

Ono bulya kutika Mwaami Lesa mbwaatokwaamba. Webo waamba ayi, ‘Utanoolalukila bene Isilaeli, ee, ayi cileke kushimikila bamulunyungu lwakwe Isaki.’

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Mateyo 13:9

Lyalo Jesu wakabaambila ayi, “Uyo ucite matwi aanyumfwe!”

Joni 18:20

Jesu wakamukumbula ayi, “Ndakalinga kwiishisha pameenso a bantu boonse. Ndakalinga kwiisha mushoonde shanu amuŊanda yakwe Lesa umo mubunganina bantu. Taakuuwo ncendakaambila kumapela.

Milimo ya Batumwi 5:20

“Kamuya muŊanda yakwe Lesa mukalwiite bantu shintu shoonse shabuumi ubu bupya.”

Milimo ya Batumwi 5:42

Lyalo bushiku abushiku, batumwi bakatolelela kwiisha akushimikila Makani Abotu muŊanda yakwe Lesa alimwi amumaanda a bantu ayi Jesu ngoUsalitwe wakwe Lesa.

Ciyubululo 2:11

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, lufu lwabili teshi lukamukumyeewo.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Ciyubululo 2:29

“Uyo ucite matwi, aanyumfwe sheesho Mushimu Usalashi nshootokwaambila shoonde.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Ciyubululo 3:13

“Uyo ucite matwi, aanyumfwe sheesho Mushimu Usalashi nshootokwaambila shoonde!

Ciyubululo 3:22

“Uyo ucite matwi, aanyumfwe sheesho Mushimu Usalashi nshootokwaambila shoonde!”

Ciyubululo 3:6

“Uyo ucite matwi, aanyumfwe sheesho Mushimu Usalashi nshootokwaambila shoonde!