Jelemiya 7:14 - Baibo Busansulushi Bwa Libuku Ili

¹⁴ Paceebo ceeco isho nshendakacita kuShilo, bulya ntooshicita kuŊanda yangu ino iyo njemucinkitemo manungo. Nkokwaamba ayi ntooshicita kumusena ngondakapa ndimwe alimwi abamashali banu bakulukulu.

Jelemiya 7:14 ပူးပေါင်းရင်းမြစ်များ

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

2 Makani 7:21

“Bulya Ŋanda yakwe Lesa ilalemekwa abuumbi, sombi bantu boonse beshi bakanokwiinda pafwaafwi anjiyo balaakunookankamana akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Kulumbaisha 78:60

Wakashiya tente yakwe kuShilo, iyo njaakalinga kwikalaamo pakati ka bantu bakwe.

Isaya 64:11

Ŋanda yanu isalalite alimwi yabulemu umo bamashali besu mobakalinga kumulumbaishila, yapya kumulilo. Misena yoonse njetwakalinga kusuni yanyonyoolwa.

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.

Jelemiya 23:39

ncakwiila ndaakubanyamuna akubawaala kulaale andime. Nkokwaamba ayi balo andabala iyo njendakapa bamashali babo bakulukulu.

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 26:4

Mwaami Lesa wakandwiita kwaambila bantu ayi, “Nebo neMwaami Lesa ndaamba ayi, ‘Mulyeelete kunyumfwila ndime mukukonkela milawo yangu iyo njendakamupa

Jelemiya 7:10

Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’

Jelemiya 7:12

“Ono kamuya kuShilo, musena uyo ngondakataanguna kusala ayi noolambililwaako akubona ncendakacita ceebo ca bubi bwa bantu bangu bene Isilaeli.

Jelemiya 7:4

Mutanooshoma mumaswi abubeshi akwaamba ayi shoonse shilibo kabotu akunokwaamba ayi, ‘Ino niŊanda ya Mwaami Lesa, niŊanda ya Mwaami Lesa, niŊanda ya Mwaami Lesa!’

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

Esekelo 23:31

Wakakonkela nshila yeenka yakeendamo munene wako, aboobo ntookupa nkomeshi ya mulandu yeenka njendakapa nguwe.”

Esekelo 24:21

‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 28:52

Mpeeke balaakulwana abantu ba mumandabala oonse ali mucishi ico Mwaami Lesa, Lesa wanu ncaatoomupa. Anu malinga alaamfu ayumu ayo ngomushoma oonse alaakumana kuwa.