Jelemiya 7:13 - Baibo Busansulushi Bwa Libuku Ili

¹³ Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Jelemiya 7:13 ပူးပေါင်းရင်းမြစ်များ

Tushimpi 1:24

Ndindakamwiita mwakankakila. Taaku muntu nabi womwi wakanyumfwila ndindakamulabula.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Jelemiya 11:7

Kuswa ciindi ndindakakusha bamashali banu bakulukulu muIjipiti kushika sunu, ndakabacenjesha mankanda aanji ayi, Kamunyumfwila.

Jelemiya 11:8

Sombi balo tabakwe kunyumfwila nabi kubikako maano. Bakakonkela bushicimpamya bwa myoyo yabo ibiibi. Nebo ndakabaambila ayi bakonkele cipangano cangu, sombi bakaalilwa kucikonkela. Paceebo ceeco ndakabaletela mashingo oonse a mucipangano ico.’ ”

Jelemiya 13:10

Bamucita shibi abo bakakaka kunyumfwila maswi angu. Bakakonkela bushicimpamya bwa myoyo yabo akuya mukusebensela akulambila balesa bamwi. Paceebo ceeco balaakuba bweenka mbuli laamba uyu utacite ncito napaceyuubo.

Jelemiya 13:11

Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”

Jelemiya 25:3

“Kwamyaaka makumi obilo amyaaka yotatwe, nkokwaamba ayi kuswa mumwaaka walikumi ayotatwe wa bwaami bwakwe Josiya mwanaakwe Amoni mwaami wa bene Juda kushikila sunu, ndalinga kutambula maswi a Mwaami Lesa alimwi ndalinga kumulwiita cakushomeka ciindi coonse maswi ayo, sombi mwebo temwalinga kukutikaawo, napaceyi.

Jelemiya 26:5

alimwi akunyumfwa maswi a balaluki basebenshi bangu abo mbondakalinga kumutumina ciindi coonse. Mwebo tamukwe kukonkelawo kale nshebakaamba.

Jelemiya 29:19

Ndaakucita boobo ceebo cakwaamba ayi tabakwe kunyumfwa maswi ayo ngondakabatumina tubili tubili kwiinda mubasebenshi bangu balaluki. Nabi ndimwe nomwakaya mubusha tamukwe kunyumfwaawo, sobwe. Nebo neMwaami Lesa ndaamba.’

Jelemiya 32:33

Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.

Jelemiya 35:14

Bamulunyungu lwakwe Jonadabu bakanyumfwila mulawo wakwe wakutanwa waini. Ncakwiila abobulya taaku uunwaawo. Nebo ndalinga kumupa milawo yangu, sombi mwebo tamukwe kunyumfwilaawo.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 35:17

Paceebo ceeco nebo neMwaami Lesa Shinkusu shoonse, Lesa wa bene Isilaeli ndaakuletela nobene Juda anobene Jelusalemu mapensho ayo oonse ngondakashomesha kucita. Ndaakucita boobo ceebo tamukwe kunyumfwila ndindakalinga kumwaambila alimwi tamukwe kukumbula ciindi ndindakalinga kumwiita.’ ”

Jelemiya 44:23

Ceebo mwakatenta tununkila kabotu kubalesa bamwi akubishisha Mwaami Lesa, kutamunyumfwila nabi kukonkela milawo amilasho yakwe, nceceeco mapensho aya nceesita pali ndimwe kweelana ambomubwene bulya.”

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Jelemiya 6:10

Mpomunyaawo ndakakumbula ayi, “Ngani ngweshi ŋambile akucenjesha? Ino ngani weenga wankutika? Matwi abo akashinkwa, aboobo tabakoonshi kunyumfwa. Maswi anu noBaami baLesa alabacima aboobo tabasangalalilimo, sobwe.

Jelemiya 7:25

Kuswa ciindi bamashali banu bakulukulu ndibakaswa muIjipiti kushikila sunu, bushiku abushiku, mankanda aanji ndakalinga kumutumina basebenshi bangu balaluki.

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Osiya 9:17

Lesa wangu ulaakubakaka ceebo tabakwe kumunyumfwila. Bene Isilaeli balaakuba beshikwiingooka pakati ka mishobo imwi.

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!