Jelemiya 7:10 - Baibo Busansulushi Bwa Libuku Ili

¹⁰ Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’

Jelemiya 7:10 ပူးပေါင်းရင်းမြစ်များ

1 Baami 9:3

Mwaami Lesa wakaamba ayi, “Ndanyuumfwa mupailo wako akusenga kwako. Ndasalasha ŋanda iyi njewanjakila ayi ibe musena umo mweshi noolambililwa lyoonse. Ndanooilama akwiitabilila lyoonsebo.

2 Baami 21:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa.”

2 Makani 33:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa kwalyoonse alyoonse.”

2 Makani 33:7

Wakabika cikoshanyo cakubesa muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwa.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Isaya 48:2

Nakubi boobo mulatwanga akwaamba ayi ndimwe beene ndabala inene isalalite alimwi ayi mulicinkite manungo muli Lesa wa bene Isilaeli, uyo wiitwa ayi Mwaami Lesa Shinkusu shoonse.

Jelemiya 32:34

Bakabika shibumbwabumbwa shilensha bunya muŊanda yangu iyo yakayakwa ayi noolambililwaamo, akwiilengesha kutanoosalalite.

Jelemiya 34:15

Amwebo nshiku shiniini sheenda, mwakasandula miyeeyo yanu akucita cakansangalasha. Noonse mwakasuminishanya kwaangulula basha bene Isilaelinyinaanu akupanga cipangano kunembo lyangu muŊanda yangu umo moonambililwa.

Jelemiya 44:9

Sa mwaluba shibiibi shakacita bamashali banu bakulukulu, bamaami abamakaabo, mwebo abamakaanu mucishi ca Juda amumikwakwa ya muJelusalemu?

Jelemiya 7:11

Sa Ŋanda yangu ino mwayaalula yaba momwakuyubila beepi? Sombi nebo ndishibwene nshemutoocita! Nebo neMwaami Lesa ndaamba.

Jelemiya 7:14

Paceebo ceeco isho nshendakacita kuShilo, bulya ntooshicita kuŊanda yangu ino iyo njemucinkitemo manungo. Nkokwaamba ayi ntooshicita kumusena ngondakapa ndimwe alimwi abamashali banu bakulukulu.

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Esekelo 23:29

Balaakubwesa shoonse nshewakasebensela akukushiyabo matakosha anga ngumufuule ceebo balikupatite. Lunkumbwa lwako abufuule

Esekelo 23:37

Bakacita bufuule abucayi. Bakacita bufuule mukulambila shibumbwabumbwa shabo abucayi mukubenga baana mbobakanshalila kushibumbwabumbwa ayi babe cakulya ca nshisho.

Esekelo 23:39

Bushiku bweenka ubo mbobakabenga bana babo ayi ngumulambu kushibumbwabumbwa, bakesa kuŊanda yangu akwiibisha.

Esekelo 33:25

“Paceebo ceeco balwiite ayi nebo neMwaami Lesa Shinkusu shoonse ndaamba ayi, ‘Mwebo mulalya nyama icicite bulowa, mulalambila shibumbwabumbwa alimwi mulacaya bantu. Sa ubo ingayi mulyeelete kupekwa cishi?

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Osiya 6:9

Ono bweenka bacayi mbobabelamina bamwi muluundu, mbweeke ubo bapailishi mbobalibunganya akucita. Abalo balacaya bamwi munshila iya kuShekemu. Ncakwiila balacita shibiibi shilensha nsoni abuumbi.

Amosi 4:5

Kamutenta cimaande ayi ncipo cakulumba akulilumbaisha pashipo shanu shakulyaaba. Kamulisumpulabo pali nshisho nobene Isilaeli mukwiinga mwebo isho nsheshintu nshemusuni kucita. Nebo neMwaami Lesa Shinkusu shoonse ndaamba.”

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.