18 “Paceebo ceeco nebo neMwaami Lesa ndaamba ayi, ‘Amunyumfwe mwebo nomishobo ya bantu. Amulangilishe mwebo nobakamboni isho sheshi shikacitike kubantu bangu.
Usunikwi wangu waamba ayi, “Ono mwebo nobantu ba muJelusalemu amucishi ca Juda amoomboloshe pakati kangu amuunda wangu wa minyansa.
“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’
Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”
Litokwaamba ayi, “Amulwiite mishobo akwaambila ndabala ya Jelusalemu ayi, ‘Likoto lya bashilumamba beshikushinkila batoosa kuswa kucishi cakulaale. Bantu aba balaakunokoolobesha pakulwana mandabala a muJuda.
“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”
Nyumfwa ocishi ca panshi, ntooletela bantu aba mapensho. Ici nceshi cikatumbukwe mumiyeeyo yabo ibiibi ceebo bakakaka kunyumfwa maswi angu alimwi amilawo yangu.’
Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”