Jelemiya 6:1 - Baibo Busansulushi Bwa Libuku Ili

¹ “Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 6:1 ပူးပေါင်းရင်းမြစ်များ

2 Samwelo 14:2

Mpeeke Joabu wakatuma muntu kuTekowa ayi eete mwanakashi umwi uyo wakalinga kucenjete abuumbi. Mwanakashi uyo ndyaakesa wakamwaambila ayi, “Bela kuba anga ulicite cililo alimwi ufwale acakufwala ca cililo. Utanani mafuta alimwi uliboneshe anga calaampa ciindi koolila.

2 Makani 11:6

Betileemu, Etamu, Tekowa,

Neyemiya 3:14

Malukija mwanaakwe Lekabu, mweendeleshi wa cishi ca Beti Akelemu wakayakulula Mwinjililo wa Ntantaala. Wakabika shisamu sha nguwo, shisasa, shakupingilaamo ampingilo mumisena ya nshisho.

Neyemiya 3:5

Bantu ba kuTekoya bakayakulula cipansha ca lubumbu cakakonkelaawo. Sombi bamatanjilili ba mundabala bakakaka kusebensa milimo iyo yakabapa beshikuyeendelesha.

Jelemiya 10:22

Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 4:29

Ono baakunyufwabo ciyobeyobe ca bashilumamba balwanina pamaaki abeshimata, bantu mumandabala oonse balaakucica. Bamwi balaakucicila muluundu, bamwi balaakulityaanisha pakati ka myaandami. Mandabala oonse alaakubula amuntu ukalaamo. Taaku muntu nabi womwi weshi akekalemo tubili.

Jelemiya 6:22

Mwaami Lesa waamba ayi, “Amubone likoto lya bashilumamba litooswa kucishi cakumatwa, ee, mushobo uyumu abuumbi wa kweela cishi ca panshi utoosonkomonwa.

Amosi 1:1

Aya ngomaswi akaamba Amosi mweembeshi wakaswa kundabala ya Tekowa. Myaaka yobilo citentanshi kacitana kucitika, Usiya kaali mwaami wa bene Juda alakwe Jeloboamu mwanaakwe Jeoyashi kaali mwaami wa bene Isilaeli, pabene Isilaeli Lesa wakayubulula makani aya kuli Amosi.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Sekaliya 6:6

Cikoci cakalinga kukwelwa amaaki ashiya cakaya kumatwa kucishi ca Babiloni, maaki atuba akaya kumbo, aalo maaki amabalamabala akaya kucishi cakalinga kumalenge.

Joshuwa 15:63

Sombi bene Juda tabakwe kutanda bene Jebusi abo bakalinga kwikala muJelusalemu. Aboobo kushikila asunu, bene Jebusi bacikala nkomunya uko pantu pomwi abene Juda.

Boomboloshi 1:21

Sombi bene Benjameni balo tabakwe kutandaanya bene Jebusi bakalinga kwikala muJelusalemu. Aboobo kushikila asunu bene Jebusi balekala abene Benjameni.