Jelemiya 51:6 - Baibo Busansulushi Bwa Libuku Ili

⁶ “Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Jelemiya 51:6 ပူးပေါင်းရင်းမြစ်များ

Kulumbaisha 94:1

NoBaami baLesa, ndimwe mupa milandu, amubooshe cishole kubamucita shibi.

Tushimpi 13:20

Muntu weenda abasongo alakwe ulaba musongo, sombi shimweenda aumineme alakwe ulaminama.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 63:4

Ceebo cakalinga mumoyo wangu nkuboosha cishole. Mwaaka wakupulusha kwangu awalo wakashika.

Jelemiya 25:14

Balo beene balaakucatwa busha kumishobo iinji akubamaami banene. Ndaakubalambula kweelana amicito yabo alimwi amilimo njebacita amaansaabo.’ ”

Jelemiya 25:16

Baakumana kunwa, balaakutalantanta akucinkuka ceebo ca nkondo iyo njeshi nkatume pakati kabo.”

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Jelemiya 48:6

Balaakoolobesha ayi, ‘Amucice, mupulushe buumi bwanu. Amucicishe anga nimbongolo ya muluyanga!’

Jelemiya 50:15

Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 50:31

Mwaami Lesa Shinkusu shoonse waamba ayi, “Bona, ntookulwana webo ocishi cilisumpula ceebo bushiku bwako bwakupekwa mulandu bwashikila.

Jelemiya 50:8

“Amucice, amuswe muBabiloni, ee, amushiye cishi ca bene Babiloni. Amube bataanshi kucica!

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 51:36

Paceebo ceeco, Mwaami Lesa waamba ayi, “Amubone, ndaakumwiimikanina mucikani canu akuboosha cishole kuli baabo batoomupensha. Ndaakuyumya maanshi a bene Babiloni akulengesha milonga yabo kuyuminina.

Jelemiya 51:45

Amuswe muli nguwe nobantu bangu! Amupulushe buumi bwanu! Amucice kuswa kubukali bwangu buyoosha nebo neMwaami Lesa.

Jelemiya 51:50

Mwaami Lesa wakatuma nkombe kubantu bakwe muBabiloni yakwaamba ayi, “Mwebo nomwapuluka munkondo, amunyamuke, mutashingooki! Nabi muli mucishi cakulaale kamuyeeya ndime neMwaami Lesa alimwi kamuyeeya andabala ya Jelusalemu.

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Jelemiya 51:9

Baswamashi bakaamba ayi, “Twakeelesha kushilika Babiloni, sombi ciindi cakushilika cakeenda. Atumushiyebo, tuboolele mwesu mwesu ceebo mulandu wakwe ulishikite akwiculu. Ncakwiila ulishikite amumakumbi.”

Malilo 3:64

NoBaami baLesa, amubaboosheshe cishole kweelana ambobeelete, ncakwiila kweelana anshebakacita.

Shakubelenga 16:26

Mpeeke wakaambila bantu ayi, “Amusoonoke misumba ya bamucita shibi aba! Tamweelete kukumya cintu cabo nabi comwi, mukwiinga amwebo inga mwanyonyweetwa kumwi ceebo ca shibiibi shabo.”

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”

1 Timoti 5:22

Utanoofwambaana kubika maansa pamutwi wa muntu kumubenga kumulimo wakwe Lesa ceebo inga wacanika ayi utoosuminisha shibiibi sha bamwi bantu. Kolilama cakubula kampenda.

Ciyubululo 16:19

Ndabala inene yakapasukamo shipansha shotatwe, mpeeke mandabala anene a mushishi shoonse akanyonyooka. Lesa wakeebaluka ndabala inene ya Babiloni akulengesha ayi inwe waini wa munkomeshi ya bukali bwakwe.