Jelemiya 51:2 - Baibo Busansulushi Bwa Libuku Ili

² Ndaakutuma baswamashi kuBabiloni kuya mukunyonyoola cishi coonse anga ngumuuwo utoopupulusha matombe. Balaakucilwana kumbasu shoonse pabushiku bwa mapensho a ncico.

Jelemiya 51:2 ပူးပေါင်းရင်းမြစ်များ

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Isaya 43:14

Mwaami Lesa, Mupulushi wanu Usalalite wa bene Isilaeli waamba ayi, “Ceebo canu ndaakutuma likoto lya bashilumamba kwaamba ayi bakalwane bene Babiloni. Ndaakunyonyoola minjililo ya ndabala. Lyalo ciyobeyobe cakukondwa ca bantu bekalaamo cilaakuba kulila.

Jelemiya 15:7

Ndaakumuululusha kucakuululushishako paminjililo ya mandabala oonse a mucishi. Ndaakumulengesha kufwitwa akunyonyooka mwebo nobantu bangu ceebo tamutoocilekaawo nshila shanu shibiibi.

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Jelemiya 50:32

Mushobo wako ulisumpula ulaakulisuntula akuwa. Taaku weshi akoobuushe. Ndaakutenta mandabala ako shintu shoonse shishingulukite shilaakunyonyoolwa.”

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”