Jelemiya 51:16 - Baibo Busansulushi Bwa Libuku Ili

¹⁶ Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.

Jelemiya 51:16 ပူးပေါင်းရင်းမြစ်များ

Matalikilo 8:1

Lesa taakalinga kumulubiteeko Nowa abanyama mbwaakalingaabo mubwaato. Aboobo wakalengesha muuwo kupuupa amaanshi kuya ciyuma.

Jobo 37:13

Lesa ulatuma mfula mukupa bantu mulandu nabi kutondesha nkumbu kuli mbabo.

Jobo 38:22

“Sa wakenjilamo kale mumaanda akusungilamo caandwa? Sa wakenjilamo kale mumaanda akusungilamo mfula ya mabwe?

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Kulumbaisha 104:7

Maanshi ayo mwakaakalalila, aalo akacica. Akacica ndyaakanyumfwa liswi lyanu.

Kulumbaisha 135:7

Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.

Kulumbaisha 147:18

Na wambakobo aalo mabwe ayo a mfula nkusunguluka. Na watumako muuwo maanshi nkukunka.

Kulumbaisha 18:13

Lyalo Mwaami Lesa wakaluluma kuswa kwiculu, liswi lya Shinkusu uyo Wiindaawo lyakanyumfwika.

Kulumbaisha 46:6

Bamumishobo imwi baliloondete abuumbi, bweene bomwi abomwi bwatenkaana. Lesa ulalulumabo, lyalo cishi ca panshi cilasunguluka.

Kulumbaisha 68:33

Amumwiimbile uyo weendela muliculu likulukulu. Ngowooyo ululuma aliswi lyankusu.

Kulumbaisha 78:26

Wakalengesha muuwo wa kwicwe kupuupa, munkusu shakwe wakaleta muuwo kuswa kumalenge.

Kulonga 10:13

Aboobo Mose wakatandabika nkoli yakwe pacishi ca Ijipiti. Mpeeke Mwaami Lesa wakalengesha kwaamba ayi muuwo wakwicwe utalike kupuupila cishi ico malumwi alimwi amashiku oonse. Ndibwakaca, muuwo uyo wakaleta nsoshi.

Kulonga 10:19

Alakwe Lesa wakaalula muuwo wakwicwe kuba muuwo wakumbo uyo wakapupa cankusu akutola nsoshi shoonse muLweenge Lusalala. Anu taaku nsoshi nabi yomwi yakacaala mucishi ca Ijipiti.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Esekelo 10:5

Ono coongo ca mapapaminwa a bakelebu cakalinga kunyumfwika akulubansa lwa kunsengwe. Cakalinga kunyumfwika anga ndiswi lya Mwaami Lesa Shinkusu shoonse.

Amosi 9:7

Mwaami Lesa utookwaamba ayi, “Kuli ndime, nobene Isilaeli muli anga mbene Kushi. Bweenka mbondakakusha bene Isilaeli kuIjipiti, mbweeke ubo mbondakakusha bene Filisiti kuKileti alimwi abene Silya kuswa kuKili.

Jona 1:4

Mpeeke Mwaami Lesa wakatuma cipuupu cinene palweenge. Lyalo kwakaba maaba ayoosha cakwaamba ayi bwaato bwakalinga kusuni kupasuka.

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”