Jelemiya 5:6 - Baibo Busansulushi Bwa Libuku Ili

⁶ Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 5:6 ပူးပေါင်းရင်းမြစ်များ

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Esila 10:10

Lyalo Esila mupailishi wakanyamuka akubaambila ayi, “Mwebo tamutooshomeka. Mulyeebete banakashi baswamashi, aboobo bene Isilaeli mwabanungilawo kubisha.

Esila 9:6

Lyalo ndakapaila ayi, ‘NobaLesa bangu, ndicite nsoni abuumbi kwiinuna mutwi pameenso anu mukwiinga shibiibi shesu shafula abuumbi, ncakwiila shilishikite kale kwiculu.

Jobo 10:16

Ncakwiila na kuli ncendaswitilila, mulamfwima mbuli nkalamu akumpensha ashintu shiyoosha.

Kulumbaisha 104:20

Mwakalenga munshinshe kwaamba ayi ube mashiku, banyama bamuluundu ndibaswa akuya ceenda.

Kulumbaisha 80:13

Bakunsengwe banyonyoola cishi cabo. Ncakwiila baswamashi basaala bubile bwabo.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 59:12

“NoBaami baLesa, ncakwiila milandu yesu njiinji pameenso anu. Shibiibi shesu shitootushinina shiine. Shilubo shesu ncakwiila tashitushiili musena, alimwi kusotoka milawo kwesu koonse twakusumina.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 25:38

Mwaami Lesa ulaakushiyabo bantu bakwe bweenka nkalamu mboishiya cimfwengo ca njiyo. Cishi cabo cilaakuba matongo ceebo cakulwanikwa abaabo beshi kubalyatilila alimwi abukali buyoosha bwa Mwaami Lesa.

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 30:15

Amucileeke kutongooka pashilonda shanu, ee, pashicisa shanu shitacite abwakushishilika. Ndakamucita bobulya ceebo ca mulandu wanu unene ashibiibi shanu shiinji.

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 8:5

Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Jelemiya 8:7

Nkobokobo shilishi ciindi ncesheelete kuboolelamo. Ashalo mpolobe, tumimbya amatongola shilishi ciindi ncesheelete kulonga. Sombi balo bantu bangu tabeshi nsheensuni nebo neMwaami Lesa.

Malilo 1:5

Balwani ba njiyo baba bamaami ba njiyo. Balwani ba njiyo ono mbobashiite cakuliiba. Mwaami Lesa weeletela buumba bunene ceebo ca shibiibi shakwe shiinji. Bana ba njiyo bamana kuya mubusha, ee, batolwa busha kubalwani babo.

Esekelo 16:25

Kweela kwa mukwakwa womwi awomwi mwakayakaako misena yakulambililaako akusebaanya bubotu bwanu mukukumana amusankwa uli woonse utokwiinda. Wakalinga kucita boobo mankanda maanji pabushiku bomwi abomwi.

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Esekelo 23:19

Nakubi boobo wakeendilisha bufuule mukuyeeya nshiku sha bumooye bwakwe ndyaakalinga mufuule muIjipiti.

Danyelo 7:4

Mutaanshi wakalinga anga ninkalamu alimwi wakalinga kucite mapapaminwa anga ngumumbankwashi. Kaanceebela, mapapaminwa ayo akasutulwaako. Lyalo munyama wakanyamunwa akulengeshekwa kwiimikana anga ngumuntu. Mpomunyaawo wakapekwa kalango ka buntu.

Danyelo 7:6

“Kaanceebela ndakabona munyama umwi wakalinga kuboneka anga ngushiluwe. Pamusana wakwe pakalinga mapapaminwa one ali anga nga muyuni. Wakalinga kucite mitwi yone alimwi wakapekwa nkusu abulemu bwakulela.

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.

Abakuku 1:8

“Maaki abo alacica kwiinda bashiluwe alimwi ngakali kwiinda baumpe macolesha. Maaki abo ankondo alatambala abuumbi. 0 Beshimaaki balaswa kulaale Balesabo anga ngamakubi atookuluka kwaamba ayi afupule nyama.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Shakubelenga 32:14

Ono mwebo nolishalane lipya lya bamucita shibi, anaapa mweemikana mumusena wa bamashali banu bakulukulu akulengesha ayi Mwaami Lesa eendeewo kukalalila bene Isilaeli!

Ciyubululo 13:2

Munyama uyo wakalinga kuboneka anga ngushiluwe. Shimpanta shakwe shakalinga anga nsha suntwe munene. Awalo mulomo wakalinga anga ngwa nkalamu. Mpomunyaawo shinshimwe uyo wakapa munyama uyu nkusu shakwe, cuuna cakwe ca bwaami alimwi ankusu shakwe shakweendelesha shoonse.