Jelemiya 5:23 - Baibo Busansulushi Bwa Libuku Ili

²³ Sombi mwebo muli beshicimpamya alimwi baashu. Mwakamfutatila akutola nshila shanu nobeene.

Jelemiya 5:23 ပူးပေါင်းရင်းမြစ်များ

Jelemiya 6:28

Boonse mbayumu myoyo, mbaashu alimwi mbafuyishi. Myoyo yabo njiyumubo anga ngubulonse nabi nshimbi. Ncakwiila boonse mbeshi kuya cifuyabo.

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Kulumbaisha 95:10

Ndakalinga kukalalite pabantu abo kwamyaaka makumi one. Ndakaamba ayi, “Aba bantu tabashomeki abuumbi! Bakaka kukonkela milawo yangu.”

Dutolonomi 21:18

“Ono na muntu ulicite mwaana musankwa shintindi, utanyumfwili bashali bakwe nabi bamuuma cili buyani,

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Isaya 31:6

Ono Lesa waamba ayi, “Nobene Isilaeli mwakambishisha akungashukila. Ono bulya amusandukile kuli ndime.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Kulumbaisha 78:8

Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.

Jelemiya 4:17

Balaakwaashingulukabo anga mbantu batoolindilila muunda, ceebo bangashukila. Nebo neMwaami Lesa ndaamba.’

Sefaniya 3:1

Mapensho kubene Jelusalemu abo balyatilila babyaabo, ee, kuJelusalemu ndabala yaashu itasalalite!

Dutolonomi 31:27

Nebo ndishi bwaashu abushicimpamya mbobacite. Balo bakalinga kwaashukila Mwaami Lesa nebo kaancili muumi, ono cilaakweela kuli na nkafwe!