Jelemiya 5:19 - Baibo Busansulushi Bwa Libuku Ili

¹⁹ Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Jelemiya 5:19 ပူးပေါင်းရင်းမြစ်များ

Jelemiya 13:22

Na mwaliipusha mumyoyo yanu ayi, “Ceebonshi shintu sha mushobo uyu shatucitikila?” Shintu ishi shamucitikila ceebo cakufula kwa shibiibi shanu. Ncecalengesha ayi shifunga shanu shikwamunwe akukumanishikwa cakukakatishikwa.

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Jelemiya 2:14

“Sa Isilaeli ngumusebenshi? Sa ngumusha kuswabo kukushalwa kwakwe? Ino nceeboonshi waba cintu cakusaala kubalwani bakwe?

Jelemiya 2:35

webo ulaamba ayi, ‘Nshicitewo mulandu alimwi Mwaami Lesa taatucitile bukali.’ Sombi nebo neMwaami Lesa ndaakukupa mulandu ceebo ulaamba ayi, ‘Nshina kucitawo cibiibi.’

Jelemiya 5:18

Mwaami Lesa waamba ayi, “Nakubi boobo munshiku isho teshi nkamunyonyoole cakumaninina.

Jelemiya 5:20

Mwaami Lesa waamba ayi, “Ambilisha makani aya kubamulunyungu lwakwe Jakobo alimwi akulwiita bene Juda ayi,

Jelemiya 9:12

Mpeeke nebo ndakumbula ayi, “Anu ngumuntunshi uyo ucite maano akunyumfwisha sheeshi? Ngani wakeeya kuli ndimwe uyo weenga wakonsha kupandulwitako bamwi? Ceebonshi cishi cakanyonyoolwa akulengeshekwa kuba anga nduyanga umo muteendi amuntu?”

Jelemiya 9:13

Mwaami Lesa waamba ayi, “Ishi shakacitika ceebo ca kusuula milawo yangu iyo ngondakabapa. Tabakwe kunyumfwila nabi kukonkela milawo yangu.

Malilo 5:8

Abo batootulela balyeeletebo kuba basha. Taaku nabi womwi ukonsha kutufuna mumaansaabo.