Jelemiya 5:18 - Baibo Busansulushi Bwa Libuku Ili

¹⁸ Mwaami Lesa waamba ayi, “Nakubi boobo munshiku isho teshi nkamunyonyoole cakumaninina.

Jelemiya 5:18 ပူးပေါင်းရင်းမြစ်များ

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 4:27

Ono Mwaami Lesa waamba ayi, “Cishi coonse cilaakuba luyanga, sombi teshi nkacinyonyoole cakumaninina.

Jelemiya 5:10

“Kamuya mumyuunda ya minyansa yabo mwiiteme, sombi muteemaniimo, sobwe. Muponsoole misampi ya njiyo ceebo bantu aba teshi bangu nebo neMwaami Lesa.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Jelemiya 5:19

Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Esekelo 11:13

Ono nebo kaancilaluka, Pelatiya mwanaakwe Benaya wakawa akufwa. Lyalo ndakaliwaala panshi akushisha ciwa panshi alimwi akoolobesha ayi, “Sobwe nobaami baLesa Beshinkusu shoonse! Sa mutooyanda kucaya boonse bakacaalaawo pabene Isilaeli?”

Esekelo 20:17

“ ‘Nakubi boobo ndakabafwita nkumbu, nshikwe kubanyonyoola nabi kubalobya muluyanga.

Esekelo 9:8

Ono kabaciya bucaya, nebo ndindakacaala neenka, ndakafukama cakushisha ciwa panshi akulila ayi, “Maawe noBaami balesa Beshinkusu shoonse! Sa mutooyanda kucaya boonse bakacaalaawo pabene Isilaeli mubukali bwanu buyoosha mbomwapoomweta pandabala ya Jelusalemu?”

Abakuku 1:12

NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.