Jelemiya 5:12 - Baibo Busansulushi Bwa Libuku Ili

¹² Bantu ba Mwaami Lesa bakaamba shabubeshi pali nguwe ayi, “Taaku nceshi akacitewo! Teshi tukapolelwewo mapensho. Ncakwiila ayi teshi tukapolelwewo nkondo nabi nsala, sobwe.

Jelemiya 5:12 ပူးပေါင်းရင်းမြစ်များ

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Kulumbaisha 10:6

Balalipamya ayi, “Nebo ndanooswitililabo lyoonse, ndanoosangalala lyoonse cakubula mapensho.”

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 28:4

Ndaakuboosha aJeoiyakini mwanaakwe Jeoiyakimu mwaami wa bene Juda aboonse abo bakatolwa busha kuBabiloni kuswa kuJuda ceebo ndaakutyola lijoko lya mwaami wa bene Babiloni. Nebo neMwaami Lesa ndaamba.’ ”

Jelemiya 4:10

Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”

Jelemiya 43:1

Mpeeke nebo neJelemiya ndakamanisha kwaambila bantu maswi oonse a Mwaami Lesa, Lesa wabo, nkokwaamba ayi shoonse Mwaami Lesa nshaakantuma ayi mbaambile.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 6:14

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Esekelo 13:6

Shili anga nshiloto shabo nshabubeshi abulaluki bwabo mbwakucenjeekabo. Balaamba ayi, ‘Mwaami Lesa waamba,’ kakuli teshi ndime ndabatuma. Nakubi boobo balangila maswi abo ayi acitike cancinencine.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

1 Joni 5:10

Uyo woonse ushoma Mwanaakwe Lesa ulicite bukamboni ubu muli nguwe. Sombi uyo utashomi Lesa, ulapa Lesa bubeshi mukwiinga taakwe kushoma bukamboni Lesa mbwaakapa paMwanaakwe.

1 Samwelo 6:9

Lyalo munoosheebelabo akubona nkweshi shiye. Na shilulame kundabala ya Beti Shemeshi, citoosansulula ayi nguLesa wa bene Isilaeli walengesha mapensho a mushobo uyu kucitika pakati kesu. Ono na cibule kuba boobo, tutooshiba ayi teshi ngowakatuma mwaalu, ingayi wakababo wiine.”