Jelemiya 5:1 - Baibo Busansulushi Bwa Libuku Ili

¹ “Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Jelemiya 5:1 ပူးပေါင်းရင်းမြစ်များ

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Kulumbaisha 12:1

Amucafwe ono nobaLesa, mukwiinga taaku wacaala munshila shabulesa, alimwi taaku wacaala ucishomeka pakati ka bantu boonse.

Kulumbaisha 14:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Kulumbaisha 14:3

Sombi taaku nabi womwi ululeme, bantu boonse baba bamucita shibi. Taaku aucita shibotu, ncakwiila taaku nabibo womwi.

Kulumbaisha 94:16

Ngani wakancafwa kulwana bamucita shibi? Ngani wakanjimikanina kubantu bacita bubi?

Tushimpi 20:6

Baanji bantu balalyaamba kushomeka, ono ngani weenga wacana ushomeka calushinisho?

Tushimpi 23:23

Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.

Tushimpi 8:3

Buloolobesha pafwaafwi aminjililo ya mundabala inene, ncakwiila koolobesha kumilyango ayi,

Lwiimbo lwakwe Solomoni 3:2

Lyalo ndakayeeya kubuka kuya ceendaana mundabala. Ndakeendaana mumikwakwa amunshila shimwi shoonse kuya ciyandoola usunikwi wangu. Ndakamuyandoola, sombi nshikwe kumucana.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Jelemiya 2:29

Ono Mwaami Lesa waamba ayi, “Ceebonshi mutoompa milandu? Sa te noonsebo mwakangashukila?

Jelemiya 44:15

Mpomunyaawo basankwa boonse abo bakalinga kwishi ayi bamakaabo bakalinga kutentela balesa bamwi tununkila kabotu kubikaawo abanakashi boonse bakalingaawo, nkokwaamba ayi lyakalinga likoto lya bantu baanji abantu boonse abo bakalinga kwikala kuIjipiti alimwi akuPatilosi bakaŋambila nebo neJelemiya ayi,

Jelemiya 8:6

Ndakakutikisha, sombi mwebo tamukwe kwaambawo lushinisho. Taaku usanduka kuswa kububi bwakwe akwiipusha ayi, ‘Nciinshi ncendalubisha?’ Womwi awomwi ulatolelela munshila shakwe anga ndiaki litoocicila nkondo.

Jelemiya 9:2

Nindakalinga kucite ŋanda yakoonaamo beshikweenda muluyanga, naakwiinga ndakashiya bantu bene misheesu. Naakwiinga ndabashiya ceebo boonse mbafuule alimwi ndikoto lya bantu batashomeki.

Jelemiya 9:7

Paceebo ceeco Mwaami Lesa Shinkusu shoonse waamba ayi, “Bona, ndaakubabotesha akubeelesha, mukwiinga taaku cimwi nceenga ndacita pashibiibi sha bantu bangu.

Esekelo 22:30

“ ‘Mpeeke ndakayandoola muntu pakati kabo uyo weenga wayaka lubumbu akwiimikana kunembo lyangu mumusena apo lubumbu mpolwakamwayuluka ayi afune cishi kwaamba ayi ntakacinyonyooli. Sombi ndakacana kwaamba ayi taakuuwo nabi womwi.

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Jowelo 2:9

Cilacica kuya pandabala inene, akucicila palubumbu lwa njiyo. Cilatanta kumaanda akwinjilila pambwelyo bweenka bucita beepi.

Amosi 8:12

Bantu balaakunooya citalantanta kuswa kulweenge kuya kulweenge. Balaakwiingooka kuswa kumatwa kuya kwicwe kuya ciyandoola maswi a Mwaami Lesa. Sombi teshi bakaacaneewo, sobwe.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Luka 14:21

“Lyalo musebenshi wakaboolela mukuluula kumwaami wakwe. Mwine ŋanda uyo wakakalala. Mpeeke wakaambila musebenshi ayi, ‘Endesha, koya munshila shinene ashiniini sha mundabala ukeete bakandu, balema myeendo, balema bamwi aboofu.’

2 Bene Tesalonika 2:10

alimwi akusebensesha bubeshi bwa mishobo imwi yoonse kubaabo batoolindilabo kunyonyoolwa. Balaakunyonyoolwa ceebo bakakaka makani a lushinisho ayo ali kweelete kubaletela lupulusho.