Jelemiya 47:3 - Baibo Busansulushi Bwa Libuku Ili

³ Balaakunyumfwa minkiti ya shoondo sha maaki, coongo ca shikoci sha balwani babo akuyobeka kwa mawilo a nshisho. Bamashali basankwa teshi bakaboole kwisule mukufuna bana babo. Maansaabo alaakunooloketebo.

Jelemiya 47:3 ပူးပေါင်းရင်းမြစ်များ

Isaya 5:28

Mifwi yabo ilikolete alimwi mata abo alibambitwe kale. Shoondo sha maaki abo nshiyumubo anga ndibwe, aalo mawilo a shikoci shabo sha nkondo alacicabo anga nkapupuulwa.

Jelemiya 46:9

Akutumbe kasuko nomaaki! Amucaile cankusu mwebo nobeshishikoci! Kamuya kunembo mwebo nobashilumamba bacibwene kulwana, nobene Kushi anobene Libya nomunyamuna mayawo, ee, anobene Lidiya nomulwanisha mata.”

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Esekelo 23:24

Balaakwisa mukukulwana kuswa kumatwa ashikoci sha nkondo, shikocibo alimwi amulongo wa bantu. Balaakwiimikana mumisena yabo ya nkondo kumbasu shoonse kabacite mayawo anene aaniini alimwi ashimpoompo. Ndaakukwaaba mumaansaabo kwaamba ayi bakupe mulandu kweelana amilawo yabo.

Naamu 2:4

Shikoci shiinji shitokweenda lubamba mumikwakwa. Shitooya kashisa mumisena icanika bantu baanji ya ndabala inene. Shitoonyaka anga nshimunimweenge, shitoocitabo anga nkubeka kwa mfula.

Naamu 2:8

Bweenka bupoomoka maanshi kuswa mucishiba capasuka mbweeke ubo bantu mbobatooswa mundabala ya Ninife. Batokoolobesha ayi, “Amwiimikane! Amwiimikane!” Sombi taaku nabi womwi utokwiimikana.

Ciyubululo 9:9

Ashalo shaamba sha nshisho shakalinga kufweketwe shimwi shakalinga kuboneka anga nshakulitabilishako pacaamba sha ceela. Coongo ca mapepe a nshisho cakalinga anga ncoongo ca shikoci shiinji shakalinga kukwelwa amaaki atoocicila kunkondo.

Boomboloshi 5:22

Lyalo minkiti ya maaki akalinga kucica yakanyumfwika Akalinga kwisa butambala abuumbi cakwaamba ayi inshi keelila.